top of page
Bai (150 x 150 px) (100 x 100 px).png

DPWH Misaad og Hapsay nga Trapiko sa Maharlika Highway Panahon sa Undas

Mipasalig si Department of Public Works and Highways (DPWH) Secretary Vince Dizon nga naningkamot ang ahensiya aron masiguro ang hapsay ug walay babag nga dagan sa trapiko sa Maharlika Highway panahon sa pagsaulog sa All Saints' Day ug All Souls' Day sa Nobyembre 1 ug 2, samtang gipaabot nga makatabang ang padayong pag-ayo sa mga dalan aron mas sayon ang pagbiyahe sa mga motorista.

Philippine News Agency; Gihubad ni Herli Mae Virador, Ato ni Bai

October 27, 2026 at 3:50:06 AM

Public Works Secretary Vince Dizon

Public Works Secretary Vince Dizon is interviewed during an inspection of the Kilicao-Binitayan Bridge in Daraga, Albay on Monday, Oct. 26, 2026, five months after directing the completion of the long-delayed project.

PNA / Connie Calipay

Mipasalig si Department of Public Works and Highways (DPWH) Secretary Vince Dizon nga naningkamot ang ahensiya aron masiguro ang hapsay ug walay babag nga dagan sa trapiko sa Maharlika Highway panahon sa pagsaulog sa All Saints' Day ug All Souls' Day sa Nobyembre 1 ug 2, samtang gipaabot nga makatabang ang padayong pag-ayo sa mga dalan aron mas sayon ang pagbiyahe sa mga motorista.


Sa usa ka interbyu, matod ni Dizon nga gimandoan niya ang tanang regional director nga siguruhong maagian kanunay ang mga highway ug malikayan ang pagkabalda sa trapiko, lakip ang mga one-way traffic scheme nga makapahunong ug makapahulat sa mga sakyanan.


"President Marcos' instruction for Undas is to ensure smooth traffic flow. I instructed all regional directors to keep the Maharlika Highway continuously passable, without one-way traffic schemes," matod niya.


Gihisgotan niya ang padayong pag-ayo sa dalan sa Morera, Guinobatan, diin tulo na ka lane ang maagian ug hapit nang mahuman ang ikaupat nga lane, isip kabahin sa mga lakang aron mapahapsay ang trapiko panahon sa holiday.


"At least during Undas, traffic will continue to flow. There will be no more one-way schemes that force vehicles to stop and wait," matod niya.


Gipasiugda ni Dizon ang kahinungdanon sa pagpabiling walay babag sa mga highway aron malikayan ang dugang kalangan sa pagbiyahe sa mga tawo nga mobisita sa mga sementeryo ug mopauli sa ilang mga probinsiya.


"We need to keep our highways free from obstructions during Undas so that, at the very least, our fellow Filipinos will not have to endure such a difficult journey," matod niya.


Dugang niya, ang pagpaayo sa dalan makatabang usab aron mas sayon nga makaadto ang mga tawo sa sementeryo nga nahimutang sa pikas bahin sa dalan, nga kaniadto maagian lamang pinaagi sa usa ka pig-ot nga tulay.


Ang mga pagpangandam sa DPWH kabahin sa paningkamot sa gobyerno nga madumala ang gipaabot nga pagdaghan sa mga sakyanan panahon sa Undas, diin ang mga pamilya mobiyahe ngadto sa mga sementeryo aron handomon ang ilang namatay nga mga mahal sa kinabuhi. Ang pagpabiling maagian ug walay babag sa mga dagkong dalan gitumong aron maminusan ang paghuot sa trapiko ug mas dali nga makaabot ang mga motorista sa ilang destinasyon.


Samtang, magpadayon ang Lakbay Alalay assistance program sa tibuok panahon sa holiday sa pakigtambayayong sa Department of Transportation (DOTr), Department of the Interior and Local Government (DILG), ug Philippine National Police (PNP). -Philippine News Agency; Gihubad ni Herli Mae Virador, Ato ni Bai

bottom of page