DPWH, nagtan-aw og modernong teknolohiya aron mapugngan ang landslides

Gitan-aw sa Department of Public Works and Highways (DPWH) ang paggamit og modernong teknolohiya sa kabukiran aron masulbad ang padayong problema sa erosion sa Cordillera region.

“Hindi na pwede iyong mga ginagawa natin noon, hindi na pwedeng ganun pa din tayo hanggang ngayon. Gagamit na tayo ng bagong technology and new methods para mas matibay na at mas tatagal,” matod ni Public Works Secretary Vince Dizon sa reporters human niya inspeksyunon niadtong Biyernes ang pipila ka landslides ug rockslides tungod sa ulan nga nakadaot sa public infrastructure sa Baguio City ug Benguet province.

Matod niya, bisan mas mahal ang bag-ong mga teknolohiya, mas makabarato kini sa dugay nga panahon.

“Paulit-ulit na lang na nagre-repair tayo ng mga nasira pagkatapos ng pag-uulan, hindi pwedeng ganun,” matod niya.

Miingon si Dizon nga gilakip na sa departamento ang pondo alang sa modernong mga teknolohiya sa 2027 budget niini.

Alang sa quick response funds (QRF) aron matubag ang kadaot nga miabot na sa mga PHP3 billion sa Cordillera region, miingon siya nga gamiton nila ang bag-ong mga teknolohiya sa kabukiran aron masiguro nga molungtad og daghang tuig ang giayong infrastructure.

Atol sa iyang inspeksyon sa Benguet-Vizcaya Road sa Beckel, La Trinidad, Benguet, diin adunay road slip, miingon si Dizon nga butangan ang slope protection og 75-meter-long double-crib wall nga adunay mechanical stability system, nga gibanabanang mahuman sulod sa mga 11 ka bulan.

Gigahin alang sa proyekto ang PHP75 million nga QRF sa budget sa sunod tuig.

Atol sa iyang pagbisita sa nadaot nga “curtain wall” sa Daclan, Tublay, miingon si Dizon nga nakigkonsulta na ang DPWH sa Japanese partners nga nagbutang sa metal curtain wall technology.

“We asked for their help to reinstall the same, replacing only the damaged portion,” matod niya, ug mipasabot nga nahimo sa curtain wall ang katungdanan niini sa pagsalo sa debris, nga nakatabang aron magpabiling luwas ang dalan.

Miingon siya nga misaad ang Japanese experts nga mohimo og mga pag-usab aron mas mapalig-on pa ang curtain wall.

Miingon siya nga butangan og shotcrete slope protection ang ibabaw nga bahin sa bukid aron pugngan ang yuta ug mga bato.

Ang shotcrete slope protection usa ka construction method diin ang concrete mixture i-spray sa kusog nga pressure pinaagi sa hose ngadto sa mga bato o nawong sa yuta. Gitabonan niini ang dili lig-on nga yuta o nangliki nga bato, gipugngan ang erosion tungod sa ulan ug hangin, ug makatabang sa pagpugong sa landslides o rockfalls sa mga dalan, bakilid, ug excavation sites.

“The order time will take two months, and it will only be then that we can start the repair using (a) PHP30 million budget. It might take about four months,” matod niya atol sa interview sa lugar.

Sa strawberry farm, nga kapin 20 ka tuig nang balik-balik nga gibahaan, miingon si Dizon nga sugdan dayon ang short- ug long-term plans.

Miingon siya nga maghimo og dredging sa Bolo Creek ug Balili River, diin moawas ang tubig gikan sa mga kanal sa farm. Magbutang usab sila og floodgate sa Bolo Creek aron mapugngan ang pagbalik sa tubig kung motaas ang tubig sa creek.

Isip long-term solution, magtukod og dakong drainage canal ug nagkalain-laing water catchment areas sa strawberry farm road padulong sa Balili River.

Atol sa meeting sa Cordillera Regional Development Council, nga gitambongan sa Baguio ug Benguet officials niadtong Biyernes sa buntag, gipresentar usab sa DPWH ang pipila ka teknolohiya base sa rekomendasyon sa Japan International Cooperation Agency (JICA), nga napamatud-ang epektibo sa mountain slopes sa Japan.

Misugyot usab si Presidential Adviser for Cordillera, Assistant Secretary Antonio Tabora Jr. nga tun-an ang tunneling isip alternatibo sa balik-balik nga pag-ayo sa mga dalan sa kabukiran, ilabi na sa Kennon Road.

“It is being done in Korea, Japan. Look into it, and if the cost will give us many years without problems and with lesser maintenance cost, then maybe we can consider it not just for Cordillera but in other mountainous areas,” matod niya.