DOH Giimbestigahan ang Giingong mga Kamatayon nga May Kalabotan sa Bakuna

Gisugdan sa Department of Health (DOH) niadtong Biyernes ang pag-imbestigar sa gikatahong pagkamatay sa mga bata human sa Phase 3 rollout sa Measles-Rubella Supplemental Immunization Activity (MR-SIA).

Sa usa ka pahayag, mipadayag ang DOH og pakigbangutan ngadto sa mga pamilya sa nangamatay nga mga bata ug miingon nga nakigkoordinar kini sa mga local government unit ug may kalabotang ahensya alang sa imbestigasyon.

“The DOH assures the affected families and the public that these cases are being taken seriously,” mabasa sa pahayag.

Gipasabot sa ahensya nga ang imbestigasyon niini sa Adverse Events Following Immunization naglakip sa pagsusi sa clinical records, kasaysayan sa pagbakuna, resulta sa laboratory tests, ug uban pang may kalabotang impormasyon aron matino ang hinungdan sa kamatayon.

“The DOH emphasizes that reported serious or unusual events following vaccination are not automatically linked to the vaccine and must undergo thorough investigation by experts,” matod niini.

Giawhag ang publiko nga likayan ang pagpangagpas o pagpakaylap sa wala mapamatud-ang impormasyon samtang nagpadayon ang imbestigasyon.

Bisan pa sa nagpadayong imbestigasyon, gipadayon sa DOH nga luwas ug epektibo ang mga bakuna batok sa mga sakit nga malikayan pinaagi sa pagbakuna, sama sa measles ug rubella. -Ato ni Bai