Dimasalang Bridge sa Manila Ablihan Pag-usab sa Oktubre 20 — DPWH

Gipahibalo sa Department of Public Works and Highways (DPWH) niadtong Miyerkules nga gikatakdang ablihan pag-usab sa mga motorista ang giayong Dimasalang Bridge sa Manila sa Oktubre 20, human sa upat ug tunga ka bulan nga pagtrabaho niini.

Atol sa pag-inspeksyon sa tulay, miingon si DPWH Secretary Vince Dizon nga hapit nang mahuman ang pag-ayo sa 56 anyos nga tulay, samtang gitapos na sa mga trabahante ang nahibiling bahin sa dalan paingon sa amihanan sa Sampaloc.

“We will be opening very soon — hopefully, within the next two weeks. The target reopening date is likely October 20,” matod ni Dizon.

Lakip sa nahibiling trabaho ang pagbutang og aspalto sa dalan ug mga barandilya aron mas mapalig-on ang tulay.

“What’s great is that this project only started last June — it has been just over four months. As President Ferdinand R. Marcos Jr. has repeatedly emphasized, change shouldn't just be a concept, it must be demonstrated through projects that are completed quickly and properly,” matod ni Dizon.

Matod ni Dizon, tumong sa proyekto nga ipakita nga mahimong mahuman dayon ang mga proyekto sa imprastraktura nga dili isakripisyo ang kalidad sa trabaho.

“We want to prove — in line with PBBM's directive — that it can be done, provided we take the work seriously, avoid cutting corners, and ensure the job is done properly,” matod niya.

Adunay ₱160 milyon nga pondo ang proyekto sa pag-ayo sa Dimasalang Bridge.

-Ato ni Bai