Deep-sea team miapil sa pagpangita sa mga missing human sa Cyprus ferry disaster

Gipaabot nga moabot gikan sa Turkey niadtong Martes ang usa ka espesyalistang team nga adunay kagamitan sa pagpangita sa lawom nga katubigan, samtang gipadayon sa emergency crews ang pagpangita sa 20 ka tawo nga missing human nalunod ug nabalitok ang usa ka ferry duol sa northern Cyprus.

Mikabat sa labing menos walo ka tawo ang namatay dihang gisudlan og tubig ug nabalitok ang double-hulled vessel wala madugay human kini mibiya sa port town sa Kyrenia niadtong Domingo, nga adunay 267 ka pasahero ug crew nga sakay.

Naluwas ang pipila ka survivors pinaagi sa pagkupot sa bahin sa nabalitok nga hull sa ferry ug gikuha sila sa mga sakayan sa maong lugar, apan adunay mga report nga posibleng natanggong ang ubang pasahero sulod sa mga compartment sa dihang nabalitok ang sakayan.

Lakip ang mga bata sa mga missing.

Nahimutang ang wreckage sa salog sa dagat sa giladmon nga kapin sa 500 metros (1,640 feet), nga dili maabot sa mga kagamitan nga anaa sa lugar. Miingon si Turkish Cypriot leader Tufan Erhurman nga magdala ang moabot nga team og espesyal nga kagamitan aron masusi ang wreckage ug ang palibot sa salog sa dagat.

“Intervening at the seabed is not possible with the resources we currently have, but from tomorrow that intervention will be possible,” matod ni Erhurman sa mga reporter niadtong Lunes.

Wala pa matino kon adunay mga missing nga natanggong sulod sa ferry. Ang video nga gi-post sa social media daw nagpakita og mga tawo nga anaa pa sulod sa usa sa mga compartment niini, samtang ang uban nagpabilin sa tumoy sa nabalitok nga sakayan nga naghulat og tabang.

Giimbestigahan pa ang hinungdan sa trahedya, bisan pa nga miingon ang Turkish Cypriot authorities nga adunay balidong seaworthiness certificate ang ferry.

Sumala sa mga saksi, kusog nga nag-uyog-uyog ang ferry, usa ka lapad nga catamaran, sa wala pa kini kusog nga mibundak balik sa tubig, nga maoy nakagisi sa bahin sa atubangan niini.

Gipabilin sa kustodiya sa korte niadtong Lunes sulod sa tulo ka adlaw ang siyam ka tawo nga konektado sa operasyon sa ferry aron motabang sa imbestigasyon sa kapolisan. -Ato ni Bai