Cornell University susihon ang fraternities, sororities taliwala sa rape allegations

Susihon sa Cornell University ang papel sa fraternities ug sororities sa campus human sa kasuko sa publiko sa pagdumala sa eskwelahan sa rape allegations sa usa ka estudyante, matod sa presidente sa Ivy League school niadtong Sabado.

Usa ka civil lawsuit nga gisumite sa babaye niadtong miaging bulan, diin iyang gi-alegar nga gi-drug ug gi-rape siya niadtong 2024 sa pipila ka miyembro sa Chi Phi fraternity, ang nakapukaw og kasuko ug pagpamalandong sa Cornell bahin sa campus culture sa eskwelahan sa Ithaca, New York.

Sa usa ka video message, matod ni Cornell University President Michael Kotlikoff, mohimo ang eskwelahan og mga lakang aron malikayan nga mausab ang susamang sitwasyon sa umaabot. Lakip niini ang "a serious look at the role of fraternities and sororities in campus life," matod ni Kotlikoff.

"At their best, these organizations can provide students with friendship, belonging, mentorship and a powerful sense of community," matod niya. "But being part of a group can never diminish individual responsibility."

Matod niya, mangayo ang university og mga opinyon gikan sa mga estudyante, alumni ug uban pa kon unsaon "preserve what is valuable about Greek life while strengthening individual accountability, transparency and a culture in which every member understands their responsibility to protect the safety and well-being of others."

Ang lawsuit batok sa Cornell, pito ka fraternity members ug uban pa nag-alegar nga napakyas ang eskwelahan sa paghatag og igo nga silot sa pipila sa mga akusadong estudyante.

Gipanghimakak sa mga akusadong lalaki ang tanang alegasyon nga nakahimo sila og sayop, sumala sa report sa New York Times.

Gidepensahan sa Cornell ang pagdumala niini sa maong kaso, ug matod niini, nagpahigayon kini og komprehensibong imbestigasyon ug gidili ang Chi Phi fraternity sa campus. Matod sa eskwelahan, nagpatuman kini og nagkalain-laing disciplinary measures, lakip ang pagpahawa sa mga estudyante.

Apan "we must do better," matod ni Kotlikoff. "We don’t have all the answers, but we are committed to investigating and finding the answers our community deserves."

Misaad siya nga ang university officials "be more transparent" bahin sa ilang mga aksyon nga may kalabotan sa 2024 incident, apan wala niya gidetalye ang espesipikong mga lakang nga buhaton sa university.

"In the coming weeks, we will create additional opportunities for members of our community to ask questions and hear directly from university leadership," matod niya.

Ang kaso nakapukaw pag-usab sa pagsusi kon giunsa pagdumala sa law enforcement ug mga university ang sexual assault complaints, samtang gikuwestiyon sa mga estudyante kon igo ba ang mga proseso aron mapanalipdan sila. Nakuha usab niini ang pagtagad sa New York state officials, nga nagtudlo og special prosecutor aron mag-imbestigar.

-Ato ni Bai