Congo Giatras ang Remote Learning Plan Bisan sa mga Eskwelahan sa Ebola Red Zone

Gibuksan pag-usab karong semanaha ang mga eskwelahan sa mga lugar sa Democratic Republic of Congo nga labing grabeng naapektuhan sa Ebola, human nakahukom ang mga awtoridad nga mas dako ang risgo nga malisdan ang mga estudyante sa remote learning kaysa sa risgo sa pagkaylap sa sakit, matod sa usa ka opisyal ngadto sa Reuters niadtong Miyerkules.

Milapas na sa 3,000 ang nangamatay sa outbreak — ang pinakagrabe sa taas nga kasaysayan sa Congo sa maong sakit — sumala sa datos sa gobyerno nga gipagawas niadtong Miyerkules, diin mikaylap ang mga kaso sa unom ka probinsya ug nakaabot sa 48.6% ang mortality rate.

Kapin sa 1,000 ka eskwelahan sa Ituri ang giklasipikar nga anaa sa “red zone”, nga nagpasabot og lugar nga taas ang risgo o adunay aktibong pagkaylap sa sakit, sumala sa dokumento sa education ministry nga nakita sa Reuters karong semanaha.

Gimando sa mga regulasyon sa ministry nga gipagawas niadtong Agosto 19 nga temporaryong ilisan sa mga eskwelahan sa red zone ang face-to-face classes og “distance learning”, pinaagi sa mga worksheet nga ipanghatag matag duha ka semana ug mga programa nga ipasalida sa radyo ug telebisyon.

Apan gibuksan sama sa naandan karong semanaha ang mga eskwelahan sa Ituri, matod sa usa ka opisyal sa education ministry.

“The government reviewed its initial decision at the request of provincial authorities who wanted to ensure that students living even in red zones would not fall behind in the school curriculum compared to others,” matod sa opisyal, nga mihangyo nga dili hinganlan tungod kay wala siya gitugotan sa paghatag og impormasyon ngadto sa media.

“At the first sign of a case, we will close and implement distance learning, but for now, that’s not the case.”

Gibuksan usab pag-usab ang mga eskwelahan sa mga lugar sa North Kivu ug South Kivu provinces nga kontrolado sa Rwanda-backed AFC/M23 rebels, nga nagpahigayon og paspas nga opensiba sa rehiyon sa miaging tuig, sumala sa usa ka rebel official. Gipangayo sa mga awtoridad ang paghugas sa kamot ug social distancing sulod sa mga classroom, matod sa opisyal.

MGA GINIKANAN, NAGBANTAY PAG-AYO

Ang kasamtangang epidemya gipahinabo sa Bundibugyo species, diin wala pay aprubadong bakuna o tambal.

Makita karong semanaha ang kabalaka bahin sa Ebola bisan sa mga lugar nga layo sa sentro sa outbreak.

Gisulod ni La Reine Vahwere og mga botelya sa disinfectant ang mga backpack sa iyang tulo ka gagmayng anak sa wala pa niya sila gipaeskwela sa siyudad sa Beni, sa North Kivu province, nga adunay 868 sa 6,186 ka kumpirmadong kaso sa Congo.

“I told them to avoid touching each other, physically touching their classmates,” matod niya.

“Also, as I am accompanying them to school, I am going to ask the authorities to apply the protective measure of distancing within the classrooms. Because it would really be sad to see a child affected at school when at home the child is respecting the protective measures.”

Samtang misulod ang mga estudyante sa compound sa eskwelahan, gimandoan sila sa usa ka staff member nga manghinlo sa ilang mga kamot gamit ang hand sanitiser ug gipatin-aw kanila kon asa makit-an ang mga hugasanan ug toilet paper.

Mokatap ang Ebola pinaagi sa direktang pagkontak sa bodily fluids sa mga tawo nga natakdan.

Matod sa opisyal sa education ministry, gibutangan og hygiene kits ang mga eskwelahan sa red zone. -Ato ni Bai