Clinical trials sa autoimmune therapy, gipahunong human namatay ang tulo ka pasyente — report

Gipahunong sa Novartis NOVN.S ang walo ka clinical trials sa usa ka experimental therapy alang sa autoimmune ug neurological disorders sa ulahing bahin sa Agosto human namatay ang tulo ka pasyente, sumala sa report sa Wall Street Journal niadtong Martes.

Temporaryong gipahunong sa Swiss pharmaceutical company ang mga pagtuon human kini nahibalo sa tulo ka kamatayon tungod sa grabeng immune response, sumala sa report nga mikutlo sa usa ka spokesman. Wala dayon maklaro kung kanus-a nahitabo ang mga kamatayon.

Gitawag nga chimeric antigen receptor T-cell, o CAR-T, ang experimental treatment.

Giusab sa CAR-T therapies ang immune cells sa pasyente aron mailhan niini ang usa ka piho nga target ug mapatay ang cancer cells.

Nagpahigayon ang Novartis og “a comprehensive review of the observed safety events,” matod sa spokesman ngadto sa WSJ, nga naghulagway sa nakamatay nga immune response isip usa ka nailhang safety risk sa CAR-T therapies.

Sumala sa report, miingon ang kompanya nga nakigtambayayong kini sa independent safety boards nga nagdumala sa matag gipahunong nga pagtuon ug nagpaambit sa nahibaloan niini ngadto sa regulators.

Gipahunong usab sa Bristol-Myers Squibb BMY.N ang susamang mga pagsulay sa CAR-T treatment niini alang sa autoimmune disorders isip precautionary measure, sumala sa mantalaan.

Wala dayon mitubag ang Novartis ug BMY sa hangyo sa Reuters alang sa komento. -Ato ni Bai