China Walay Dugang Kamatayon ug Laing Kalamidad Human sa Linog sa Tibet
Gipahibalo sa China niadtong Lunes nga walay nahitabong dugang nga geological disasters ug walay dugang nga namatay human sa magnitude-7 nga linog nga miigo sa Tibet, sa habagatan-kasadpang bahin sa China, niadtong Biyernes. Mikalas ang linog og 16 ka kinabuhi ug nakaangol sa 76 ka tawo.
Reuters; Gihubad ni Herli Mae Virador / Ato ni Bai
October 26, 2026 at 1:00:04 PM

Emergency services personnel at a damaged building following an earthquake, at a location given as Nagqu, Tibet Autonomous Region, China in this still image from video released October 23, 2026.
Reuters / Nagqu Police Department
Gipahibalo sa China niadtong Lunes nga walay nahitabong dugang nga geological disasters ug walay dugang nga namatay human sa magnitude-7 nga linog nga miigo sa Tibet, sa habagatan-kasadpang bahin sa China, niadtong Biyernes. Mikalas ang linog og 16 ka kinabuhi ug nakaangol sa 76 ka tawo.
Matod sa Ministry of Natural Resources sa China, gamay ra sa kinatibuk-an ang epekto sa linog sa mga lanaw nga naporma sa mga glacier ug sa mga glacier mismo sulod sa mga lugar nga naapektuhan.
Sukad sa linog, natala ang 2,054 ka aftershocks, lakip ang duha nga adunay magnitude nga 5.0 o mas taas.
Nahuman na sa mga awtoridad ang pagsusi sa posibleng dugang nga geological disasters sulod sa 50 kilometros (31 milya) gikan sa sentro sa linog.
Miigo ang linog sa Nagqu, usa ka dakbayan sa amihanang Tibet nga nahimutang sa taas nga lugar ug adunay gamay nga populasyon. Kini ang pinakakusog nga linog nga miigo sa China sukad Enero 2024.
Gisusi sa mga awtoridad ang 157 ka lugar nga posibleng makasinati og geological disasters, lakip ang 122 ka daan nang peligroso nga lugar ug 35 ka bag-ong natumbok nga peligroso nga lugar, matod sa ministeryo. Gisusi usab sa mga eksperto ang 80 ka lanaw nga naporma sa mga glacier ug 145 ka glacier sulod sa 50 kilometros gikan sa sentro sa linog. -Reuters; Gihubad ni Herli Mae Virador / Ato ni Bai
%20(100%20x%20100%20px).png)