CBCP: Walay pamilya nga adunay katungod sa pag-angkon sa pampublikong pwesto

MANILA – Gipahinumdoman sa Catholic Bishops’ Conference of the Philippines (CBCP) ang publiko, ilabina ang mga politiko, nga walay pamilya nga adunay katungod sa pag-angkon sa pampublikong pwesto, bisan pa og sila adunay katakos o gitahod.

Sa usa ka pastoral statement niadtong Biyernes, gipahayag ni CBCP president ug Lipa Archbishop Gilbert Garcera nga ang political dynasties dili lamang politikal nga isyu kondili moral ug etikal usab nga mga kabalaka.

“Political leadership should remain open to all Filipinos who possess the competence, integrity, and desire to serve,” matod niya.

“When public authority is treated as private privilege, the common good suffers. When political opportunities are effectively reserved for a few, equal access to public service is diminished.”

Matod niya, kung sobra nga makonsentrar ang gahom sa pipila lamang ka tawo, ang mga institusyon nga angay mosiguro sa pagpanubag mahimong bulnerable sa patronage, favoritism ug partikular nga mga interes.

“Public office must never become a family inheritance. It is a public trust, entrusted by the people to serve all,” dugang niya.

Isip pastor sa katawhan sa Diyos, matod niya nga dili mahimong magpabiling walay pakialam ang CBCP sa mga isyu nga makaapekto sa moral nga pundasyon sa katilingban ug dignidad sa katawhan.

“For these reasons, we support the call to enact a genuine, meaningful, and effective Anti-Political Dynasty law that will faithfully give effect to the mandate of our Constitution,” matod niya.

Giklaro niya nga wala sila nagduso sa pagpasa sa balaod aron targeton ang bisan unsang partikular nga pamilya, partido politikal, kandidato o opisyal sa gobyerno.

“This initiative should not become an occasion for hatred, retaliation, or partisan division. Rather, it should invite all of us to ask a fundamental question: How can we make public service truly accessible to more Filipinos and ensure that political authority remains service rather than possession?” matod ni Garcera.

Giawhag usab niya ang mga Katoliko nga suportahan ang mga panawagan ug moapil sa mga diskusyon bahin sa pagpasa sa maong balaod.

“Learn what the proposal contains. Ask difficult questions. Resist misinformation, coercion, vote-buying, intimidation, and political pressure. Where conscience leads you to support the initiative, do so freely, peacefully, and responsibly,” matod ni Garcera.

Bag-ohay lang, gimando sa Supreme Court ang Kongreso nga tumanon ang mandatoryong katungdanan niini ubos sa Konstitusyon sa paghimo og balaod nga magdili sa political dynasties “at the earliest opportunity.”

Matod sa taas nga hukmanan, ang Article II, Section 26 sa Konstitusyon nagmando sa Kongreso nga ipasa ang anti-political dynasty law, ug ang kapakyasan niini sa pagbuhat sa maong balaod sulod sa 39 ka tuig naglangkob sa grave abuse of discretion.

Gipahayag usab sa Supreme Court nga adunay basihanan sa pagpalapad sa pagdili sa political dynasties ngadto sa mga paryente hangtod sa fourth civil degree of consanguinity or affinity.

-Ato ni Bai