Canberra Moapil sa Gun Buyback Human sa Bondi Beach Shooting

Moapil ang kapital sa Australia sa gun buyback isip kabahin sa tubag sa pagpamusil nga nakapatay og 15 ka tawo atol sa usa ka Jewish festival sa Sydney, matod ni Prime Minister Anthony Albanese niadtong Sabado.

Gipasa sa centre-left government ni Albanese niadtong Enero ang mga balaod alang sa gun buyback, mas hugot nga pagsusi sa gun licenses, ug pagpakusog sa pagsumpo sa pagdumot human sa Disyembre 14 nga pagpamusil atol sa Hanukkah celebration sa Bondi Beach sa Sydney, ang kapital sa estado sa New South Wales.

Ang New South Wales, ang estado nga adunay pinakadaghang populasyon sa Australia, maoy unang miuyon sa plano, nga sugdan sa Nobyembre 2.

Miuyon ang Australian Capital Territory (ACT), diin nahimutang ang nasudnong kapital nga Canberra, sa susamang programa aron maseguro nga “an antisemitic terrorist attack like we saw at Bondi can’t happen again”, matod ni Albanese.

“I thank the ACT Government for their collaboration as we work to take guns off our streets in order to better protect Australians,” matod niya sa usa ka pahayag.

Adunay 23,000 ka armas ug kapin sa 7,000 ka firearms license holders sa ACT, sumala sa pahayag. Wala niini isulti kung kanus-a sugdan ang buyback sa ACT. Wala usab dayon makatubag ang opisina ni Albanese sa pangayo og dugang detalye.

Ang mga akusado sa pagpamusil sa Bondi Beach, usa ka amahan ug anak nga matod sa kapulisan nadasig sa Islamic State, migamit og kusgan nga mga armas nga legal nga nakuha. Ang buhing suspek wala pa makasumite sa iyang plea sa daghang kaso, lakip ang 15 ka ihap sa murder.

Nakaabot sa rekord nga 4.1 milyon ang gidaghanon sa firearms sa Australia sa miaging tuig, sumala sa gobyerno.

Ang gun buyback gilaum nga mahimong pinakadako sa Australia sukad sa susamang kampanya human sa pagpamusil niadtong 1996 sa Port Arthur, Tasmania, diin 35 ka tawo ang gipatay sa usa ka gunman.