Building sa Gaza nahugno 12 ka nangitag kapasilongan patay

Gisusi sa mga rescuer sa Gaza niadtong Miyerkules ang mga nagun-ob nga bahin sa usa ka apartment building nga nabombahan ug nahugno sa kagabhion, nga mipatay sa labing menos 12 ka Palestinians, lakip ang lima ka bata, ug nakalubong sa daghang uban pa ilalom sa mga debris.

Gipakita sa insidente ang padayon nga peligro nga giatubang sa napuloan ka libong Palestinians nga nagpuyo sa gibanabanang 2,000 ka nadaot nga building tungod sa Israeli airstrikes sa tibuok Gaza.

Miingon ang mga rescue worker sa civil defense nga labing menos 12 ka tawo, lakip ang lima ka bata, ang namatay ug 14 ang naangol sa dihang nahugno ang pito ka andanang building. Gituohang dul-an sa 100 pa ka tawo ang nalubong ilalom sa mga debris.

Gipakita sa usa ka video nga nakuha sa Reuters ang mga rescue worker nga naningkamot sa pagkuha sa duha ka tawo gikan sa ilalom sa nahugno nga bungbong. Laing video nga mikatap sa social media ang nagpakita kang Gaza’s civil defense spokesperson Mahmoud Basal nga nagkugos sa usa ka batang babaye nga giputos sa bandana nga namantsahan og dugo.

Miingon si Raed Al-Dahshan, director sa Gaza City’s civil defense service, nga labing menos 10 ka pamilya ang nagpuyo sa nahugno nga building ug aduna pay paglaom nga makakita og mga survivor.

“We are still hearing voices from under the rubble, so there is still hope to find people,” matod ni Dahshan.

Miingon si Alessandro Mrakic, head sa U.N. Development Programme’s Gaza office, nga miapil sa rescue efforts ang mga rescuer gikan sa pipila ka U.N. agencies, nga iyang gihulagway nga lisod tungod sa kakulang sa hustong makinarya. Miapil usab sa rescue efforts ang relief agency sa Egypt.

“The situation, as you see, is tragic because we don’t have the equipment and machinery that is needed. So there are actually people that are digging with their bare hands. We need to prepare (for more deaths),” matod ni Mrakic.

“There are approximately 400 buildings at risk of collapse. And we know that these buildings will collapse, especially now with the upcoming winter,” dugang niya.

Gibasol sa Palestinian ug U.N. officials ang mga restriksyon sa Israel sa Gaza tungod sa kakulang sa bug-at nga makinarya sa teritoryo. Miingon ang Israel nga ang mga restriksyon niini gitumong aron dili mapunta ang mga kagamitan sa mga militanteng grupo.

Nakapamugna og mokabat sa 61 million tons nga nagun-ob nga mga materyales ug debris ang pag-atake sa Israel sa Gaza — nga gilunsad human sa makamatay nga pag-atake sa Hamas sa Israel niadtong Oktubre 2023 — nga mahimong mokabat og pito ka tuig aron mahawan, sumala sa United Nations.

Gipasidan-an ni Dahshan ang mga residente nga magpalayo sa nagun-ob nga mga building tungod sa risgo nga mahugno kini. Miingon ang lokal nga rescue service nga mga 2,000 ka nadaot nga building ang gipuy-an sa mga pamilya.

“The limited availability of shelter options forced residents to move into this building, believing it was safe. However, at one point it collapsed entirely, tragically crashing down on people as they slept,” matod ni Dahshan.

Miingon kaniadto sa Reuters ang daghang pamilya sa miaging mga bulan nga napugos silang mopuyo sa mga building nga partially damaged aron mapanalipdan ang ilang kaugalingon gikan sa kusog nga hangin ug ulan, ug tungod sa kakulang sa bag-ong mga tolda alang sa mga walay kapuy-an.

Gipahunong sa U.S.-backed ceasefire niadtong Oktubre 2025 ang dagkong panag-away sa Gaza, apan wala niini mapahunong ang Israeli strikes ug gamay ra ang kalamboan sa mga lakang padulong sa permanenteng kalinaw.

Giakusahan sa Hamas ang Israel nga naglapas sa ceasefire ug nagpugong sa mga paningkamot sa pagpatuman sa mas lapad nga plano ni U.S. President Donald Trump aron tapuson ang kagubot sa Gaza, nga naglakip sa pag-atras sa Israel gikan sa Gaza Strip ug pagdisarma sa Hamas.

Miingon ang Israel nga ang Hamas maoy naglapas sa kasabotan.

Kapin sa 1,300 ka Palestinians, kadaghanan mga sibilyan, ang namatay sa Gaza sukad nagsugod ang ceasefire, sumala sa mga health official sa teritoryo, samtang miingon ang Israeli military nga upat ka Israeli soldiers ang namatay.

Kasagaran dili magpagawas ang Hamas og impormasyon bahin sa gidaghanon sa mga namatay sa ilang mga fighter.

-Ato ni Bai