British nga lalaki miangkon sa pagdroga ug paglugos sa asawa sulod sa kapin 20 ka tuig

PASIDAAN: Sensitibong detalye.

Miangkon niadtong Lunes (Setyembre 14) ang usa ka British nga lalaki nga balik-balik niyang gidroga ug gilugos ang iyang asawa sulod sa kapin duha ka dekada sa ilang balay, pipila ka gutlo sa wala pa unta magsugod ang iyang trial.

Ang lalaki – nga taga-northern England ug anaa sa iyang 60s apan dili mahimong nganlan tungod kay mahimong mailhan ang iyang asawa nga adunay katungod sa tibuok kinabuhi nga anonymity – miangkon nga guilty sa Manchester Minshull Street Crown Court sa 45 ka kaso, human kaniadto miangkon sa 15 ka offences.

Miangkon na karon ang lalaki sa mga kaso lakip ang 21 ka counts of rape, 15 ka counts of assault by penetration, 11 ka counts of sexual assault, ug usa ka count of sharing intimate images without consent sa panahon tali sa 2004 ug 2025.

Miangkon usab siya sa offence of administering a substance in order to stupefy his wife.

Matod sa prosecutors, balik-balik nga gilugos ug gi-sexually assault ang babaye sulod mismo sa iyang balay samtang wala siyay panimuot human siya gidroga sa iyang bana.

Dose ka laing lalaki, nga nag-edad og 28 hangtod 74, giakusahan usab sa sexual abuse sa biktima gikan 2018 hangtod 2025 ug silang tanan mipasangil nga dili guilty sa mga kaso, nga naglakip sa rape.

Gikatakdang ipahigayon ang ilang trial sa mao gihapong korte ug gilauman nga molungtad kini og pipila ka bulan.

Sa mga giakusahan nga lalaki nga mitambong sa korte niadtong Lunes, duha ang mipatim-aw nga gitabonan ang ilang mga nawong. Nailhan sa Reuters ang usa kanila pinaagi sa iyang sinina, nga parehas sa iyang gisul-ob sa miaging mga pag-atubang sa korte.

-Ato ni Bai