%20(100%20x%20100%20px).png)
Bicol ug Eastern Visayas Makasinati og Kusog nga Ulan
Magdala og ulan sa pipila ka lugar ang trough sa Tropical Storm Surigae nga anaa sa gawas sa Philippine Area of Responsibility (PAR), matod sa weather bureau niadtong Huwebes.
Ato ni Bai
September 25, 2026 at 5:45:56 AM
Surigae's trough will also cause isolated rainshowers or thunderstorms across Bicol Region and the rest of Eastern Visayas. The rest of the country will experience isolated rain showers due to localized thunderstorms.
Philippine News Agency
Magdala og ulan sa pipila ka lugar ang trough sa Tropical Storm Surigae nga anaa sa gawas sa Philippine Area of Responsibility (PAR), matod sa weather bureau niadtong Huwebes.
Matod sa Philippine Atmospheric, Geophysical and Astronomical Services Administration (PAGASA), nahimutang ang Surigae 1,500 kilometros sa sidlakan sa northern Luzon alas 3 sa kadlawon. Hatagan kini sa lokal nga ngalan nga Queenie kung mosulod na sa PAR.
Makasinati og nagkatag nga ulan ug kilat-dalugdog tungod sa trough sa Surigae ang Biliran, Leyte, Southern Leyte, Dinagat Islands, Surigao del Norte, ug Surigao del Sur.
Ang kasarangan hangtod sa kusog nga ulan niining mga lugara mahimong hinungdan sa kalit nga pagbaha o pagdahili sa yuta.
Magdala usab ang trough sa Surigae og panagsang ulan o kilat-dalugdog sa Bicol Region ug ubang bahin sa Eastern Visayas. Ang ubang bahin sa nasod makasinati og panagsang ulan tungod sa localized thunderstorms.
Mahimong hinungdan usab sa kalit nga pagbaha o pagdahili sa yuta ang grabeng kilat-dalugdog, pasidaan sa PAGASA.
Samtang, magpatigbabaw sa tibuok kapupud-an ang hinay hangtod sa kasarangang hangin ug gamay hangtod sa kasarangang balod, matod sa PAGASA. -Ato ni Bai