Baha sa Thailand Mikitil og 23 ka Kinabuhi Kagubot Misamot sa Pangunang Tugpahanan sa Bangkok

Misaka na ngadto sa 23 ang namatay tungod sa kusog nga ulan ug pagbaha sa Thailand, matod sa mga awtoridad niadtong Martes, samtang mihubas na ang tubig sa grabeng naapektuhang kapital nga Bangkok, diin nagkagubot ang operasyon sa pangunang tugpahanan niini, ug giaprobahan sa gobyerno ang minilyon ka dolyar nga hinabang.

Naunlod sa baha ang Bangkok human makasinati og mga 320 mm (12.6 inches) nga ulan sulod sa tulo ka adlaw sa miaging semana, halos sama kadaghan sa kasagarang madawat nga ulan sa halapad ug ubos nga siyudad sa tibuok bulan sa Setyembre.

Matod ni Bangkok Governor Chadchart Sittipunt, gilauman niyang mahubas ang baha sa mga dagkong dalan sa Bangkok sulod sa duha ka adlaw, apan mahimong moabot og usa ka semana una hingpit nga mahawan ang ubang nabahaan nga mga lugar.

“Recovery efforts are under way in areas where the water has gone down,” matod niya.

Sa tibuok nasod, labing menos 23 ka tawo ang namatay sukad Setyembre 16, lakip ang upat sa Bangkok, sumala sa Interior Ministry.

Nagpadayon ang kagubot sa tugpahanan

Apil ang Bangkok sa 42 ka probinsya nga naapektuhan, diin gibanabana nga miabot sa $367 milyon ang kadaot tungod sa baha sa 24 ka probinsya ug nameligro nga makaapekto sa ekonomiya nga nagsalig pag-ayo sa turismo.

Bisan nagpabiling nag-operate ang mga pangunang tugpahanan sa Bangkok, nagkagubot ang kahimtang sa Suvarnabhumi Airport, ang kinadak-ang tugpahanan sa nasod. Matod sa Thai Airways THAI.BK, grabeng naapektuhan ang operasyon niini tungod kay katunga sa mga kawani niini wala makasulod sa trabaho.

Matod sa nasodnong airline, plano niini nga kanselahon ang mga 30 ka biyahe sa eroplano—mga 30% sa gitakdang mga paglarga gikan sa Bangkok—niadtong Martes, samtang giatubang usab niini ang mga 5,600 ka bagahe gikan sa mga biyahe niini nga nagpabiling natanggong sa Suvarnabhumi.

“Almost 100% of flights over the past two days were delayed, with fewer than 3% on schedule as operational capacity could not be sustained,” matod ni Thai Airways Chief Executive Chai Eamsiri, nga midugang nga ang pagkunhod sa mga biyahe sa airline gikan sa Bangkok molungtad og labing menos tulo ka adlaw.

Human moabot gikan sa Azerbaijan, nagdali si Emir Demiroez sa pagpangita sa iyang mga bagahe sa tugpahanan aron makaapas sa sunod niyang biyahe paingon sa Malaysia.

“Nobody knows anything. Nobody can help us. We can’t find our baggage,” matod niya. “We have our second flight at 2 p.m., but I don’t know if we’ll get it.”

Ministro misaway sa airline

Bisan ang kakulang sa mga kawani nga nakasulod sa trabaho nakabalda sa operasyon, matod sa tourism minister sa Thailand nga gigamit usab sa Thai Airways ang kaugalingon nitong mga kawani sa pagserbisyo sa ubang mga airline diin aduna kini kontrata sa pagdumala sa mga serbisyo sa yuta aron malikayan ang pagbayad og silot.

“This damages the country’s image,” matod ni Surasak Phancharoenworakul sa mga tigbalita, nga direktang misaway sa airline.

“We need to discuss how the management needs to work more proactively,” matod ni Surasak. “If they don’t want to do the job, then resign.”

Wala dayon mitubag ang Thai Airways sa email nga nangayo og komento kabahin sa mga pahayag ni Surasak.

Pondo alang sa hinabang sa baha ug pagpahubas sa tubig

Importante nga haligi sa ekonomiya sa Thailand ang turismo, nga nagpabiling hinay kumpara sa ubang mga nasod sa rehiyon sukad sa pandemya. Mikunhod og 3.12% kumpara sa miaging tuig ang gidaghanon sa mga langyaw nga mibisita gikan Enero hangtod Setyembre, ngadto sa 21.28 milyon ka bisita.

Sa miting niadtong Martes, giaprobahan sa gabinete sa Thailand ang kapin 4 bilyon baht ($119 milyon) aron matubag ang epekto sa baha, matod ni Prime Minister Anutin Charnvirakul. Midugang siya nga giaprobahan usab ang usa ka dugayng proyekto sa pagpahubas sa tubig nga nagkantidad og 160 bilyon baht ($4.8 bilyon).

Matod niya, walo ka tuig ang gikinahanglan aron mahuman ang proyekto, nga gitumong sa pagpalig-on sa panalipod batok sa baha sa sentrong rehiyon, Bangkok, ug sa mga kasikbit nga lugar. -Ato ni Bai