top of page
Bai (150 x 150 px) (100 x 100 px).png

Bagyong Arnab sa India mipatay og tulo, kapin 180,000 gipabakwit

Namatay ang labing menos tulo ka tawo, daghang balay ang nangaguba, ug mga pananom ang nangadaot human mihapak ang kusog nga bagyo sa sidlakang baybayon sa India gikan sa Bay of Bengal niadtong Miyerkules, nga nagdala og kusog nga ulan ug hangin, matod sa mga awtoridad.

Jatindra Dash, Rishika Sadam / Reuters; Gihubad ni Alex Destor, Ato ni Bai

October 29, 2026 at 4:10:41 AM

A vehicle damaged by a fallen tree after Cyclone Arnab in Visakhapatnam, India.

A vehicle damaged by a fallen tree following Cyclone Arnab, in Visakhapatnam, Andhra Pradesh, India, October 28, 2026.

Reuters

Namatay ang labing menos tulo ka tawo, daghang balay ang nangaguba, ug mga pananom ang nangadaot human mihapak ang kusog nga bagyo sa sidlakang baybayon sa India gikan sa Bay of Bengal niadtong Miyerkules, nga nagdala og kusog nga ulan ug hangin, matod sa mga awtoridad.


Mihapak sa estado sa Andhra Pradesh sayong Miyerkules ang Bagyong Arnab, nga giklasipikar sa India Meteorological Department isip very severe cyclonic storm, ang ikatulo sa labing taas nga kategoriya sa ilang sukdanan sa kakusog sa bagyo. Matod sa ahensya, ang sentro sa bagyo misulod na sa kayutaan.


"Andhra Pradesh has been most affected ... three people have lost their lives," matod ni Narendra Singh Bundela, usa ka taas nga opisyal sa National Disaster Response Force (NDRF), ngadto sa mga tigbalita.


Miguba og labing menos 180 ka balay, mipukan og 220 ka kahoy, ug nakabalda sa suplay sa kuryente sa pipila ka lugar ang kusog nga ulan ug hangin, matod ni Andhra Pradesh Chief Minister N. Chandrababu Naidu sa iyang sulat ngadto kang federal Home Minister Amit Shah aron ipahibalo ang kahimtang.


Gipahibalo sa mga opisyal sa opisina ni Naidu ngadto sa Reuters nga duha sa mga namatay ang tungod sa pagkahulugan sa kahoy ug pagkakuryente.


Dili kaayo grabe ang epekto sa bagyo sa silingang estado sa Odisha, matod ni Bundela. Gidugang niya nga gilaoman nga mohinay ang hangin samtang mopadayon ang bagyo sa kayutaan.


Kapin sa 180,000 ka tawo ang gipabakwit sa mga estado sa Andhra Pradesh ug Odisha sa wala pa moabot ang bagyo.


Gisirhan ang pipila ka eskwelahan ug gikanselar ang pipila ka biyahe sa tren ug eroplano sa sidlakang baybayon.


Nagtrabaho ang pipila ka grupo sa NDRF ug mga grupo sa estado sa mga apektadong lugar, matod ni Bundela. Gidugang niya nga posible usab nga maapektuhan sa kusog nga ulan ang pipila ka silingang estado.


Makita sa mga hulagway sa telebisyon ang nangatumbang nga mga kahoy sa mga highway samtang ang mga trabahante nga nagsul-ob og panalipod sa ulan nanglimpyo sa mga sanga ug dahon sa dalan.


"No one knew whose house the water would rush into next, or whose home would be submerged," matod ni Nagi, usa ka residente sa distrito sa Kakinada sa Andhra Pradesh.


"Trees have fallen, houses have been damaged, and all our belongings, including our books, have been destroyed," matod ni Nagi, nga wala mohatag sa iyang apelyido.


Gitambagan ang mga mangingisda sa baybayon nga dili una mogawas sa dagat. Matod sa ahensya sa panahon, gilaoman ang kadaot sa mga pananom, mga balay nga hinimo sa gaan nga materyales, ug mga linya sa komunikasyon.


Gibanabana ang kusog sa hangin nga 125 hangtod 135 kph (77.7 mph hangtod 83.9 mph), nga adunay paghuros nga moabot sa 150 kph. Posible usab nga mosaka ang tubig sa dagat og 1 hangtod 1.5 metros (3.28 hangtod 4.92 ka tiil) ibabaw sa normal nga lebel sa taob, nga mahimong mobaha sa ubos nga mga lugar sa Andhra Pradesh, matod sa ahensya.


Gisuspenso ang operasyon sa tulo ka tugpahanan sa Andhra Pradesh, matod sa civil aviation ministry sa India.


Nepal misuspenso sa pag-isyu og mga permit sa pagbaktas sa kabukiran.


Gisuspenso sa mga awtoridad sa silingang Nepal ang pag-isyu og mga permit sa pagbaktas sa tag-as nga kabukiran sulod sa tulo ka adlaw tungod sa peligro sa ulan ug mga unos sa niyebe nga dala sa bagyo, matod ni Immigration Department information officer Gita Ghimire ngadto sa Reuters.


Karon ang panahon nga pinakadaghan ang mga turista nga nagbaktas sa kabukiran sa Nepal, diin mokabat sa 750 ka tawo ang makakuha og permit kada adlaw.


Niadtong Martes, gipasidan-an sa Nepal ang mga turista nga dili moadto sa tag-as nga kabukiran tungod sa kahadlok nga ang Bagyong Arnab mahimong magdala og kusog kaayong ulan, mga unos sa niyebe, ug pagdahili sa niyebe sa rehiyon sa Himalayas gikan sa Huwebes sa gabii hangtod sa Sabado.


Naporma ang Bagyong Arnab sa Bay of Bengal, usa sa mga dagkong lugar diin kasagarang maporma ang mga bagyo nga nakapahinabo na og daghang kamatayon sa sidlakang baybayon sa India.


Usa ka super cyclone nga mihapak sa Odisha niadtong Oktubre 1999 ug mipatay og dul-an sa 10,000 ka tawo ang nagpabiling usa sa labing makamatay nga natural nga katalagman sa nasod.


Bisan pa niini, nakapalambo ang India sa mga sistema sa sayong pagpasidaan ug mga lakang sa pagpangandam sulod sa daghang katuigan aron maminusan ang pagkawala sa kinabuhi. -Jatindra Dash, Rishika Sadam / Reuters; Gihubad ni Alex Destor, Ato ni Bai

bottom of page