Armas sa empleyado sa DepEd gigamit sa suspek sa Cotabato school shooting

Gipanag-iya sa usa ka empleyado sa Department of Education (DepEd) ang pistola nga gigamit sa iyang anak sa school campus shooting sa Banga, South Cotabato, niadtong Biyernes sa hapon, matod sa town mayor niadtong Sabado.

Wala ipadayag ni Banga Municipal Mayor Albert Palencia kung kinsa ang empleyado sa DepEd ug ang iyang anak samtang padayon ang imbestigasyon.

Apan matod ni Palencia, gisultihan siya sa inahan nga giguba sa iyang 14-anyos nga anak ang vault diin gitipigan ang Glock 9mm pistol.

Nahitabo ang trahedya nga nakapakurat sa tibuok komunidad sa usa sa mga classroom sa Grade 9 students sa Banga National High School sa Barangay Benitez mga alas 1:15 sa hapon niadtong Biyernes.

Tulo ka estudyante ang namatay, lakip ang shooter, samtang unom ang nasamdan. Mga estudyante ang tanang biktima.

Matod ni South Cotabato Governor Reynaldo Tamayo, nga mikutlo sa usa sa mga higala sa suspek, miyembro ang shooter sa online gaming group nga gitawag og “True Crime Community.”

Gipahayag ni Tamayo nga gisusi sa police ang mga report nga naglangkit sa estudyante sa usa ka online community. Gipasiugda niya nga dili pa angay mohimo og konklusyon samtang padayon ang imbestigasyon.

“No parent should lose a child due to violence, especially if it happened inside the school campus. The school is a place where our children should be safe,” matod ni Tamayo.

“As parents and members of the community, we should work together to protect our children,” matod niya, ug gidugang nga kinahanglan makig-estorya ang mga ginikanan sa ilang mga anak bahin sa school activities, ilang paggamit sa social media, ug suportahan sila sa tanang campus activities.

Matod ni Department of Social Welfare and Development (DSWD) – Soccsksargen Director Loreto Cabaya Jr., ang matag nasamdan nga estudyante sa Banga school shooting makadawat og PHP10,000 nga cash assistance gikan sa gobyerno.

“The families of three fatalities will also receive financial aid from the DSWD,” matod ni Cabaya.

-Ato ni Bai