820,000 ka deboto miapil sa prusisyon sa Peñafrancia sa Naga

LEGAZPI CITY – Miapil ang gibanabanang 820,000 ka deboto sa traslacion nga prusisyon niadtong Biyernes sa gabii isip kabahin sa Peñafrancia Festival 2026 sa Naga City, matod sa Police Regional Office in Bicol (PRO-5) niadtong Sabado.

Gipahayag ni PRO-5 Director Brig. Gen. Randy Glenn Silvio sa usa ka news release nga malinawon, hapsay ug luwas sa kinatibuk-an ang traslacion nga prusisyon.

Gibutang ang mga pulis sa mga importanteng lugar, ilabina sa mga dapit diin gilaum nga maghuot ang daghang tawo.

Isip pagpangandam alang sa kaluwasan, migamit ang mga pulis og mga karatula ug pahibalo aron pahinumdoman ang mga deboto nga bantayan ang ilang mga gamit, kanunay nga moinom og tubig, magpabilin uban sa ilang mga kauban, ug ipahibalo dayon sa mga awtoridad ang bisan unsang kadudahang kalihokan o emergency.

Pinaagi sa Oplan Bandillo, padayon nga gipahinumdoman sa mga pulis ang mga deboto bahin sa kaluwasan ug sa kamahinungdanon sa kooperasyon, disiplina ug pagsunod sa mga lagda atol sa prusisyon.

Gibutang usab ang mga CCTV camera ug gigamit ang mga drone sa mga importanteng lugar aron mabantayan ang lihok sa mga tawo ug mahibaloi dayon sa mga nagdumala sa seguridad ang kahimtang sa lugar.

Gigamit usab ang Starlink devices aron magpadayon ang komunikasyon tali sa mga pulis, ilabina sa mga lugar diin mahimong maglisod ang naandang communication networks tungod sa kadaghan sa mga tawo.

“The peaceful and orderly conduct of the traslacion is a shared accomplishment. We thank our devotees, the Bicolano community, our partner agencies, local government units, force multipliers and volunteers for their cooperation and support,” matod ni Silvio.

“The success of our security operations reflects our collective determination to protect our people while allowing our devotees to observe this important religious tradition safely and peacefully.”

Matod niya, magpadayon ang security operations hangtod matapos ang Peñafrancia Festival, nga ipasiugda pinaagi sa prusisyon sa Naga River sa Setyembre 19.

Gipasidunggan sa festival ang patroness sa Bicol nga Our Lady of Peñafrancia, nga lokal nga gitawag og “Ina” (mother), ug giila kini nga pinakadakong Marian event sa Asia.

-Ato ni Bai