16 Patay, 130 Nasamdan sa Russian Drone Attack sa Lungsod nga Gigikanan ni Zelenskiy

Namatay ang labing menos 16 ka tawo ug kapin sa 130 ang nasamdan niadtong Biyernes human miigo ang pipila ka Russian drone sa usa ka shopping center sa sentral nga Ukraine, matod sa mga awtoridad, samtang misaad si President Volodymyr Zelenskiy nga motubag sa gitawag niyang “act of barbarism.”

Miingon si regional governor Oleksandr Hanzha nga 22 ka bata ang apil sa mga nasamdan sa pag-atake nga nahitabo sa adlaw sa siyudad sa Kryvyi Rih, lungsod nga gigikanan ni Zelenskiy.

“There are 29 people in serious condition, including five children,” matod ni Hanzha. Nag-post siya og litrato nga nagpakita sa itom nga aso nga mibulwak gikan sa usa ka dakong industriyal nga building.

Sa update sayo niadtong Sabado, miingon si Hanzha nga siyam ka tawo ang unang giisip nga nawala, lakip ang duha ka bata, ug nagpadayon ang mga rescuer sa paghawan sa mga nagun-ob nga bahin sa shopping center.

Gitawag ni Zelenskiy ang pag-atake nga “absolutely cynical and despicable”, ug miingon nga usa ka ikaduhang Russian drone ang miigo sa shopping center tunga sa oras human sa una, nga matod niya tinuyo nga gitumong sa emergency services.

“Attacks like these are nothing less than terrorist acts,” matod ni Zelenskiy sa Telegram, samtang giawhag ang kalibotan nga papanubagon ang Russia. “We will definitely respond.”

Sa laing pag-atake niadtong Biyernes, labing menos upat ka tawo, lakip ang tulo ka bata, ang namatay ug usa ka babaye ang nasamdan human sa Russian drone strike sa southern region sa Ukraine nga Mykolaiv, matod sa Ukrainian state media sa Telegram.

Gipakusog sa Russia ang mga pag-atake niini gikan sa kahanginan batok sa Ukraine samtang nagpadayon ang panagsangka sa yuta ug nagkaduol na sa upat ug tunga ka tuig ang gubat. Niadtong Huwebes, 17 ka tawo ang namatay sa Russian ballistic missile attack sa Kyiv, ang kapital sa Ukraine.

Gipakusog usab sa Ukraine ang kaugalingon nitong mga pag-atake batok sa Russia, nga gitumong ang mga pasilidad sa lana ug logistics infrastructure aron sulayan nga pahuyangon ang kapasidad sa Moscow sa pagpadayon sa gubat.

-Ato ni Bai