Venezuela-US Energy Deal Molungtad og 25 Ka Tuig

Miingon niadtong Sabado si Venezuelan interim President Delcy Rodriguez nga magpabiling epektibo sulod sa 25 ka tuig ang energy agreement uban sa U.S., nga nagtumong sa pagpataas sa produksyon sa crude oil ngadto sa 1.5 million barrels per day (bpd) ug pagpreserbar sa soberanya sa nasod sa iyang natural resources.

Gidayeg ni Rodriguez ang kasabutan sa iyang pakigpulong sa gabii isip usa ka “historic” deal nga makatabang sa pagbangon sa ekonomiya ug pagdugang sa kita sa gobyerno, ug miingon nga makatabang kini sa paghulma sa kaugmaon sa nasod.

“This 25-year bilateral project envisages the development of 17 strategic oilfields with a production target of more than 1.5 million barrels per day,” matod ni Rodriguez sa state broadcaster nga VTV.

“That figure relates solely to the bilateral agreement between Venezuela and the United States.”

Midugang si Rodriguez nga ang target sa kasabutan nga 1.5 million bpd sinugdanan pa lamang nga tumong ug nga ang mas halapad nga plano naglakip usab sa pagpalambo sa walo ka greenfield oil blocks isip bahin sa mas dakong pagpalapad sa energy sector sa nasod.

Gipahibalo ni President Donald Trump niadtong Biyernes ang plano nga makakuha ang U.S. og partial control sa dakong oil reserves sa Venezuela, uban sa paglaom nga makatabang ang mga kompanyang Amerikano sa pagbangon sa naglisod nga industriya sa enerhiya sa South American nga nasod samtang maghatag og bag-ong tinubdan sa crude oil aron makatabang sa pagpaubos sa presyo sa gasolina sa U.S.

Gamay ra ang detalye nga gihatag ni Trump bahin sa kasabutan, ug miingon lamang siya nga nakuha sa U.S. ang majority control sa kapin sa 65 billion barrels sa proven oil reserves sa Venezuela pinaagi sa pakigtambayayong sa mga pribadong negosyo.

Ang Venezuela adunay pinakadakong proven oil reserves sa kalibotan, apan nagprodyus lamang kini og mga 1.25 million bpd — ubos kaayo sa potensyal niini — human sa daghang tuig nga kakulang sa pamuhunan, dili maayong pagdumala, ug mga sanctions.

Miingon si Rodriguez nga ang kasabutan mahimong makamugna og mga $209 billion nga kita alang sa Venezuelan state, base sa benchmark oil price nga $65 matag barrel, bisan giila niya nga mahimong mausab-usab ang presyo sa crude oil. Matod niya, mga $19 gikan sa matag barrel nga maprodyus ug mabaligya ubos sa maong kasabutan ang direktang mapunta sa Venezuela, nga makahatag og dakong dugang sa kita sa gobyerno.

Miingon siya nga magpabilin sa nasod ang “ownership of and sovereignty” sa natural resources niini, “while leveraging capital, technology and operational expertise to support the recovery of a strategic industry that has been severely affected by sanctions.”

Sayo niadtong Sabado, dose-dosenang pro-government groups ang nagtapok sa downtown Caracas aron magprotesta batok sa presensya sa U.S. sa Venezuela.

Gidawat ni Rodriguez ang kasabutan human sa pahibalo ni Trump, ug miingon nga makatabang kini sa pagpalambo sa ekonomiya ug pagdugang sa kita sa gobyerno.

Nangandam ang mga opisyal sa Venezuela nga mopirma sa sunod semana og mga kasabutan nga maghatag og bag-ong katungod sa pipila ka kompanya, lakip ang mga kompanya sa U.S., sa pagpangita ug pagprodyus og krudo.

Miingon niadtong Biyernes ang duha ka tinubdan nga duol sa negosasyon nga ang Chevron CVX.N usa sa mga kompanyang gilaum nga motapos sa panaghisgot aron ibalhin ang Venezuelan joint ventures niini ngadto sa bag-ong energy framework sa nasod. -Ato ni Bai