Trump Dili Mosupak Kon Magtukod og Car Plants sa US ang Chinese Automakers

Miingon si President Donald Trump niadtong Biyernes nga dili siya mosupak kon maghimo og mga sakyanan sa United States ang Chinese automakers bisan pa sa dakong pagsupak gikan sa U.S. lawmakers ug car companies.

“If China wanted to come in and open a plant to build their cars here, I’d be okay with that,” matod ni Trump sa usa ka interbyu sa Fox News program nga “The Ingraham Angle.”

“Japan does it, but they hire our people. The big thing is they hire our people,” matod niya.

Midugang siya nga dili niya gusto nga maghimo og mga sakyanan ang Chinese automakers sa Mexico ug ipadala kini ngadto sa United States. “I’m not knocking Chinese cars,” matod ni Trump.

Giawhag sa U.S. automakers si Trump, nga gitakdang makigkita kang Chinese President Xi Jinping sa Washington sulod sa duha ka semana, nga dili mouyon nga tugotan ang Chinese automakers nga makasulod sa U.S. market.

Niadtong Miyerkules, miingon si U.S. Senator Elissa Slotkin, usa ka Michigan Democrat, nga adunay “rumors that Trump is planning to allow Chinese cars to be sold in the U.S., as part of a larger deal he’s putting together. That would be a strategic mistake.”

Gitawag ni Trump ang pahayag ni Slotkin nga usa ka “total phony rumor” ug miingon nga iyang gipugngan ang Chinese vehicles nga makasulod sa United States.

Usa ka regulasyon nga gipahamtang sa administrasyon ni kanhi President Joe Biden sayong bahin sa 2025 ang epektibong nagdili sa tanang Chinese automakers sa pagbaligya o paghimo og passenger vehicles sa U.S. Nagpatuman usab ang Washington og kapin sa 100% nga tariffs sa Chinese electric vehicles.

Sa miaging semana, usa ka grupo nga nagrepresentar sa halos tanang dagkong automakers ang miawhag sa Congress nga dali nga aprobahan ang balaod nga permanenteng magdili sa Chinese vehicles sa U.S. market.

Ang Alliance for Automotive Innovation, nga nagrepresentar sa General Motors GM.N, Ford F.N, Toyota 7203.T, Volkswagen VOWG.DE, Hyundai 005380.KS, Honda 7267.T, Stellantis ug uban pa, nanawagan nga maaprobahan ang maong balaod sa dili pa matapos ang Disyembre.

“Right now, Chinese automakers are dumping subsidized vehicles with connected software and hardware around the world,” matod sa CEO sa grupo nga si John Bozzella sa usa ka sulat ngadto sa congressional leaders. -Ato ni Bai