Taiwan nagplano og direct hiring alang sa mga Filipino worker

Gikonsiderar sa Taiwan ang pagpaila og direct hire arrangement alang sa overseas Filipino workers (OFWs), sumala sa Taipei Economic and Cultural Office (TECO).

Gipadayag ni TECO Philippines Representative Wallace Minn-Gan Chow ang maong plano atol sa usa ka reception sa Taguig City niadtong Huwebes sa gabii. Matod niya, usa kini sa mga lakang nga gikonsiderar sa TECO aron mapalambo ang serbisyo ug proteksyon sa mga Pilipinong nagplanong motrabaho sa Taiwan.

“Earlier this year, my office, TECO, established a labor division to provide better and more accessible services to Filipino migrant workers going to Taiwan. This will include the introduction of direct hire arrangements in the future,” matod niya.

“Through this mechanism, we aim to lower the expense for Filipino workers going to Taiwan, enhance their protection, and simultaneously expedite recruitment for Taiwanese companies.”

Matod ni Chow, ang Pilipinas ang ikatulo sa pinakadakong tinubdan sa migrant workers sa Taiwan, diin kapin sa 191,000 ka OFWs ang kasamtangang nagtrabaho sa lainlaing kompanya didto, kasagaran sa mga pabrika sa asero.

Gawas sa labor, miingon siya nga mahimo pang palig-onon sa Taiwan ug Pilipinas ang ilang kooperasyon sa semiconductors, artificial intelligence (AI), advanced manufacturing ug uban pang sektor.

“Taiwan and the Philippines have highly complementary strengths and can greatly benefit from working together. Taiwan can bring high technology, advanced manufacturing, and engineering capabilities, as well as sophisticated and comprehensive industry supply chain,” matod niya.

“The Philippines, meanwhile, has an abundant young and talented workforce, as well as land and energy resources. Together, we have enormous potential for co-prosperity.”

Gibanabana nga motubo og 11.05% ang ekonomiya sa Taiwan sa 2026, ang pinakapaspas nga pagtubo niini sulod sa 39 ka tuig, tungod sa kusog nga panginahanglan sa AI ug mga bag-ong teknolohiya.

Gipunting ni Chow nga kapin sa 90% sa labing advanced nga chips sa kalibotan gihimo sa Taiwan, samtang kapin usab sa 90% sa AI servers ang gihimo ug gi-assemble sa mga Taiwanese supplier, nga naghimo sa Taiwan nga usa ka sentro sa global AI infrastructure.

-Ato ni Bai