Spanish scientists nakadiskobre sa unang ebidensya sa Diplodocus sa Europe

Nakadiskobre ang Spanish paleontologists sa unang ebidensya nga ang Diplodocus, ang iladong dinosaur nga taas og liog, kaniadto nagpuyo sa Europe, sumala sa research nga gipatik niadtong Martes sa Journal of Vertebrate Paleontology.

Nakuha sa mga researcher gikan sa Dinopolis Foundation sa Teruel sa silangang Spain ang mga fossil nga naglangkob sa 14 ka caudal vertebrae ug pipila ka chevron bones gikan sa usa ka specimen sa mga sediment nga mokabat og mga 150 milyon ka tuig ang kagulangon.

“The anatomical study and evolutionary analyses we conducted have allowed us to identify the El Castellar specimen as belonging to the genus Diplodocus. It is one of the most complete diplodocids discovered to date in Europe and represents the first evidence of this genus outside North America,” matod sa lead author nga si Sergio Sanchez Fenollosa.

Matod ni Alberto Cobos, managing director sa Dinopolis Foundation ug co-author sa study, posibleng mokabat og 25 metros (82 feet) ang gitas-on sa specimen. Nadugang kini sa nagkadaghan nga higanteng Jurassic sauropods nga nakaplagan sa Teruel area.

Unang nailhan pinaagi sa mga fossil nga nakaplagan sa Wyoming niadtong 1877, ang Diplodocus usa ka herbivorous dinosaur nga nailhan sa taas nga liog, ikog nga samag latigo ug upat ka lig-on nga tiil, ug usa sa labing iladong mga dinosaur sa kalibotan. -Ato ni Bai