Presyo sa Gasolina Mosaka og Hangtod ₱2.31 Kada Litro Karong Semanaha

Mosaka og hangtod ₱2.31 kada litro ang presyo sa gasolina karong semanaha tungod sa epekto sa nabag-ong kagubot sa Middle East.

Base sa datos nga gipagawas sa Department of Energy (DOE) niadtong Lunes, ang kinatas-ang gilaum nga pagsaka karong semanaha mao ang ₱1.08 kada litro sa gasoline, ₱2.31 kada litro sa diesel, ug ₱0.95 sa kerosene.

Matod ni Energy Secretary Sharon Garin, ang pagsaka sa presyo tungod sa lihok sa tibuok kalibotang merkado ug dili sa kakulang sa suplay sulod sa nasod.

“This is the difficulty with Philippines’ long-time dependence on imported fuel. And this is the reality the Department of Energy is working to change because we know that every increase at the pump is felt by Filipino families and businesses,” matod niya sa usa ka online briefing.

Sa tagsa-tagsa nilang pahibalo, gipahibalo sa mga kompanya sa lana ang ilang pag-usab sa presyo nga ipatuman sugod alas-6 sa buntag karong Martes.

Ipataas sa Jetti Petroleum ang presyo sa diesel og ₱2.30 kada litro ug gasoline og ₱1 kada litro.

Ipataas sa Seaoil ang presyo sa gasoline og ₱1.08 kada litro, diesel og ₱2.31 kada litro, ug kerosene og ₱0.91 kada litro.

Ipataas sa Petron ang presyo sa gasoline og ₱1.10 kada litro, diesel og ₱2.30 kada litro, ug kerosene og ₱1 kada litro.

Matod ni Garin, tungod sa nagkagamay nga posibilidad nga adunay kasabutan alang sa kalinaw tali sa U.S. ug Iran, “prospects for the normalization of navigation through the Strait of Hormuz have weakened”.

“These developments are driving up international prices and the impact ultimately reaching consumers at the pump in our country. A conflict thousands of kilometers away can still affect the jeepney driver filling up for the day,” matod niya.

Busa, determinado ang gobyerno nga limitahan ang epekto sa gubat sa presyo sa gasolina sa nasod, lakip ang “strengthening our energy security so that the country is better prepared for future external shocks.”

“This means investing in stronger domestic energy infrastructure and over the long term pursuing the measures such as Philippines Strategic Petroleum Reserve,” matod ni Garin, nga nagtumong sa proposal nga magtukod og pasilidad nga dumalahon sa gobyerno aron adunay reserbang suplay sa gasolina nga igo alang sa 60 ka adlaw ug makatabang sa pagsumpo sa mga risgo gikan sa gawas sa nasod nga makaapekto sa suplay ug presyo.

Gipakita sa datos sa DOE nga ang kasamtangang suplay sa diesel sa nasod igo alang sa 47 ka adlaw base sa kasagarang konsumo kada adlaw. Ang suplay sa ubang klase sa gasolina igo alang sa 44 ka adlaw sa gasoline, 122 ka adlaw sa kerosene, 75 ka adlaw sa jet fuel, 54 ka adlaw sa fuel oil, ug 34 ka adlaw sa liquefied petroleum gas.

Fuel subsidy

Atol sa mao gihapong briefing, miingon si DOE Director Rino Abad nga mokabat sa 98,000 ka public utility vehicle (PUV) drivers sa tibuok nasod nga benepisyaryo sa fuel subsidy program ang nahatagan na og kinatibuk-ang ₱537 milyon sukad Agosto 21, 2026.

Ubos sa programa, ang mga kwalipikadong driver hatagan og ₱12 kada litro nga diskwento alang sa kinatibuk-ang 150 ka litro matag semana, nga mahimong magamit sa 3,383 ka gasolinahan sa tibuok nasod.

“This is one of the measures in place to help ease the impact of higher fuel prices on our public transport sector,” matod ni Garin.

-Ato Ni Bai