President Marcos giawhag ang mga ginikanan nga bantayan ang kausaban sa batasan sa mga anak

Giawhag ni President Ferdinand Marcos Jr. niadtong Biyernes ang mga ginikanan nga bantayan pag-ayo ang kalit nga kausaban sa batasan sa ilang mga anak, ug nanawagan og mas dakong pagkamabinantayon sa pamilya human sa sunod-sunod nga insidente sa kapintasan sa mga eskwelahan.

Sa pagpakigsulti sa mga reporter human sa pagbisita sa Patul Elementary School sa Santiago City, Isabela, gipasiugda ni Marcos nga responsibilidad sa mga pamilya, eskwelahan, ug gobyerno ang pagtinabangay aron mapanalipdan ang mga estudyante.

Gitambagan niya ang mga ginikanan nga hatagan og partikular nga pagtagad kon ang ilang mga anak kalit nga mahimong hilomon ug dili makig-uban, masulob-on, o dali masuko.

“Bantayan po natin nang mabuti ang ating mga bata, ang ating mga anak. Bantayan po natin na hindi sila nasasama sa mga ganyang klaseng kagagawan. At ito po ay hindi madaling gawin, kailangan po nakabantay tayong lahat at sabay-sabay tayong lahat,” matod ni Marcos.

(“Let us watch over our children carefully. Let us make sure they do not get involved in these kinds of acts. This is not easy to do, so all of us must stay vigilant together.”)

Midugang siya nga kinahanglan magtinabangay ang national ug local governments uban sa mga ginikanan aron masiguro nga magpabiling luwas ang palibot diin nagkat-on ang mga estudyante.

“Pareho ‘yung national government pati local government, kailangan po tayong lahat ay magkaisa at tulungan natin at bantayan natin na tiyakin na ang mga bata, ang ating mga anak, ay makapag-aral nang mabuti at sila ay ligtas,” matod niya.

(“Both the national and local governments must unite to ensure our children can study safely and without incident.”)

Gihimo sa Presidente ang maong panawagan human sa mga report sa pagpamusil duol o sulod sa mga eskwelahan sa Tacloban City, Zamboanga City, ug South Cotabato, nga miresulta sa daghang casualties.

Mikaylap usab sa social media niadtong Miyerkules ang mga report sa laing pagpamusil sa Isulan National High School sa Sultan Kudarat, apan sa ulahi giklaro ni Education Secretary Sonny Angara nga false alarm ang maong report.

Atol sa iyang pagpamulong sa Pasay City niadtong Setyembre 28, gikondena ni Marcos ang kapintasan ug misaad nga hatagan sa gobyerno ang mga ginikanan ug komunidad og mga resources aron malikayan ang susamang mga pag-atake sa umaabot.

“Hindi katanggap-tanggap ‘yung mga pangyayari na nakita natin sa Tacloban, sa Zamboanga, sa South Cotabato,” matod ni Marcos sa iyang naunang pagpamulong. “Ito talaga ay dumudugo ang puso, hindi lamang ng mga pamilya... kung hindi ang buong bansa.”

(“What happened in Tacloban, Zamboanga, and South Cotabato is unacceptable. It breaks the heart not just of the victims' families, but of the entire nation.

-Ato ni Bai