top of page
Bai (150 x 150 px) (100 x 100 px).png

Premier Li: China, andam nga mag-import og dugang produkto gikan sa Germany

Mipahayag si Chinese Premier Li Qiang kang German President Frank-Walter Steinmeier, nga mibisita sa China niadtong Biyernes, nga andam ang China nga mag-import og dugang mga dekalidad nga produkto gikan sa Germany, samtang naningkamot ang duha ka nasod nga palig-onon ang ilang relasyon sa pamatigayon taliwala sa nagkadaghang mga lakang sa pagpanalipod sa lokal nga industriya sa Europe ug Beijing.

Reuters; Gihubad ni Herli Mae Virador / Ato ni Bai

October 31, 2026 at 10:23:35 AM

Mipahayag si Chinese Premier Li Qiang kang German President Frank-Walter Steinmeier, nga mibisita sa China niadtong Biyernes, nga andam ang China nga mag-import og dugang mga dekalidad nga produkto gikan sa Germany, samtang naningkamot ang duha ka nasod nga palig-onon ang ilang relasyon sa pamatigayon taliwala sa nagkadaghang mga lakang sa pagpanalipod sa lokal nga industriya sa Europe ug Beijing.


Giawhag usab ni Li ang duha ka nasod nga lig-ong suportahan ang free trade ug bukas nga kooperasyon, sumala sa pahayag nga gipagawas sa Chinese foreign ministry sa ulahing bahin sa Biyernes.


Matod ni Li, andam ang China nga makigtambayayong sa Germany pinaagi sa paggamit sa mga mekanismo sa konsultasyon tali sa ilang mga gobyerno aron mapalapad ang kooperasyon sa industriya sa mga sakyanan, kemikal, artificial intelligence, digital ug green industries.


Giawhag usab ni Chinese President Xi Jinping ang Germany niadtong Biyernes nga mosunod sa usa ka "rational, pragmatic and ‌friendly" nga polisiya ngadto sa China. Atol sa iyang pakigpulong kang Steinmeier, giduso ni Xi ang mas suod nga relasyon tali sa duha ka nasod bisan pa sa nagkadakong panagbangi sa pamatigayon tali sa Beijing ug Europe.

Mitambong si Chinese President Xi Jinping ug German President Frank-Walter Steinmeier sa usa ka welcoming ceremony sa gawas sa Great Hall of the People sa Beijing, China, Oktubre 30, 2026.

KYODO NEWS / Kai Naito / Pool pinaagi sa REUTERS

bottom of page