Pilipinas naggamit og ‘anticipatory action’ aron maminusan ang epekto sa mga kalamidad

Gigamit sa Pilipinas ang “anticipatory action” isip kabahin sa mga paningkamot niini nga maminusan ang epekto sa mga kalamidad, matod ni Office of Civil Defense (OCD) administrator Undersecretary Harold Cabreros niadtong Martes.

“Recently, we introduced our concept of anticipatory action. That’s one of our thrusts in coming up with our predictive actions in all the risks we are confronting. So, as mentioned also by our President (Ferdinand R. Marcos Jr.), we’ve already gone through the reactive mode to proactive, and now we are going through (the) predictive mode. So, this is in consonance with our anticipatory action,” matod niya atol sa press briefing alang sa ASEAN Ministerial Conference on Disaster Resilience (AMCDR) nga gihimo sa Philippine International Convention Center sa Pasay City.

Gipatuman na kaniadto sa Pilipinas ang Republic Act 12287, nga nailhan usab nga Declaration of the State of Imminent Disaster Act, nga naghatag og gahum sa local governments sa paghimo og anticipatory action sa dili pa moigo ang kalamidad.

Ang AMCDR, nga gitakda sa Setyembre 15 hangtod 16 sa Manila, usa sa mga nag-unang kalihokan sa 2026 ASEAN chairship sa Pilipinas ug gitumong sa pagtubag sa usa sa labing kanunay ug mahal nga mga hagit sa rehiyon: ang pagkabulnerable niini sa mga kalamidad.

Matod ni Cabreros, ang pag-apil sa Pilipinas sa Coalition for Disaster Resilient Infrastructure (CDRI) makatabang sa nasud sa pagpalig-on sa mga kritikal ug sensitibong pasilidad niini.

“We have to strengthen it, particularly those rendering basic services, like our hospitals, our schools, and so on. And that also includes complying to our National Building Code,” matod niya. “We have to strengthen and make our buildings more resilient.”

Matod sa OCD chief, kinahanglan palig-onon sa nasud ang kapasidad niini sa pag-atubang sa mga kalamidad dili lamang aron maminusan ang mga mamatay, kapildihan o kadaot, kondili aron masiguro usab nga magpadayon ang adlaw-adlaw nga kinabuhi sa mga tawo.

“So, we have to learn to adapt to it, and, of course, to also learn to prevent the occurrence of these hazards,” dugang niya. -Ato ni Bai