PH Senate mipasar sa ‘Sandy’s Act’ alang sa mas hugot nga kaluwasan sa batang turista

Gipasar sa Senate sa ikatulo ug katapusang pagbasa ang usa ka bill nga nagmando sa mga tourism establishment nga magpatuman og hugot nga emergency preparedness protocols ug mga lakang sa kaluwasan alang sa mga bata ug bisita.

Ang Senate Bill No. 1926, nga opisyal nga gitawag og “Child Tourist Safety Act” ug mas nailhan nga “Sandy’s Act,” giaprobahan atol sa plenary session niadtong Lunes pinaagi sa 18 ka affirmative votes, walay negative vote, ug walay abstention.

Gipasidunggan sa maong balaodnon si Sandy Garrovillas, unom ka tuig ang edad, nga namatay human natusok sa box jellyfish sa usa ka resort sa Palawan diin walay diha-diha nga medical assistance ug importanteng first-aid supplies.

“Sandy’s Act ensures that a response to any emergency is both immediate and adequate by requiring certified staff to be on-site at all times. Being prepared can no longer be merely optional,” matod ni Sen. Risa Hontiveros, sponsor sa bill.

Lapad nga Coverage ug Mandato sa Local Government

Ang gisugyot nga balaod maglakip sa tanang tourism facilities, attractions, ug accommodations nga modawat og mga menor de edad—lakip ang hotels, resorts, water parks, ug surfing camps—bisan pa sa ilang accreditation status.

Alang sa public beaches, natural parks, waterfalls, ug uban pang destinasyon nga gidumala sa publiko, ang tagsa-tagsa ka local government units (LGUs) maoy adunay pangunang responsibilidad sa pagpatuman ug pagdumala sa kaluwasan.

Ubos sa bill, ang mga establishment nga sakop niini kinahanglang maghimo ug magpatuman og komprehensibong Tourism Emergency and Risk Mitigation Plan. Kinahanglan nga matubag niini ang posibleng mga peligro sama sa aksidente, pagkalumos, tusok sa mga mananap sa dagat, paak sa mga mananap, physical abuse, exploitation, ug trafficking.

Gikinahanglang Health Services ug Lifeguards

Kinahanglang adunay importanteng health ug safety infrastructure ang mga establishment, lakip ang:

• Medical professionals nga mahimong tawgon kung gikinahanglan

• Basic emergency medical equipment ug importanteng supplies

• Andam nga transportasyon paingon sa labing duol nga medical facility

• Mga staff nga hingpit nga certified sa standard first aid

  
  

Ang mga pasilidad nga adunay swimming pools o nag-operate duol sa open bodies of water kinahanglang adunay igong gidaghanon sa certified lifeguards sa tanang oras nga nag-operate kini. Dugang pa, kinahanglang i-integrate ang emergency plans sa local disaster risk reduction and management (LDRRM) frameworks aron mas hapsay ang koordinasyon sa local first responders, ambulance units, ug hospitals.

Suporta alang sa Gagmayng Negosyo ug Silot sa Negligence

Aron matabangan ang micro, small, and medium enterprises (MSMEs) sa pagtuman sa mga requirement, ang Department of Tourism—kauban ang partner agencies—maghatag og subsidized training programs sa Basic Life Support, Standard First Aid, water safety, ug lifeguarding skills.

Ang maong lakang nagtakda og regular nga iskedyul sa inspeksyon ug naglatid og nagkagrabeng administrative penalties alang sa dili pagtuman. Dugang pa, ang mga establishment nga sakop sa balaodnon nga mapamatud-ang negligent o napakyas sa paghatag og diha-diha nga first aid mahimong obligahong mobayad sa gasto sa pagpaospital sa menor de edad kon adunay injury, o sa gasto sa paglubong kon mosangpot kini sa kamatayon.

-Ato ni Bai