Panon sa endangered moths sa Australia naghatag og paglaom sa protected species

Naghatag og timailhan nga nagbangon ang populasyon sa endangered species ang dagkong panon sa mga moth nga mitabon sa mga balay sa habagatan-sidlakang Australia sa bag-ohay nga mga adlaw, matod sa mga awtoridad niadtong Sabado.

Ang Bogong moths, nga adunay wingspan nga moabot sa 5 cm (2 inches), nakasinati sulod sa daghang tuig og grabeng pagkunhod sa populasyon, nga nakapakunhod sa makita nga gidaghanon niini atol sa ilang southern spring migration paingon sa mga langob sa Australian Alps, sa usa ka panaw nga mahimong moabot og 3,000 km (1,900 miles).

Apan mibalik og daghan ang mga moth karong tuiga, uban sa mga report nga misulod ang mga insekto sa mga backyard ug balay sa east coast sa Australia, lakip sa Sydney, ang capital sa New South Wales state.

"It’s really exciting to see this recovering population coming our way," matod ni Steve Whan, nga nagrepresentar sa alpine area sa Monaro sa New South Wales parliament, sa usa ka pahayag. "The Bogongs are terrific for our ecosystem, supporting our treasured native wildlife like the pygmy-possum and pollinating our eucalyptus trees."

Sa silingang Victoria state, matod ni Chief Biodiversity Officer James Todd, makapadasig nga makita nga mibalik og daghan ang mga moth karong tuiga. "The jump in numbers is a positive sign for biodiversity," matod ni Todd sa usa ka pahayag.

Mikunhod ang gidaghanon sa mga moth, nga dili makadaot sa mga tawo ug protektado sa balaod, tungod sa hulaw, mas intensibong agrikultura, ug pagkawala sa ilang natural nga puy-anan, matod sa mga awtoridad.

Usa sa mga teoriya sa pagbalik sa ilang populasyon mao ang mas daghang ulan sa northern New South Wales, nga nakahatag og dugang nga pagkaon alang sa larvae sa mga insekto, sumala sa report sa Australian Broadcasting Corp.

-Ato ni Bai