Palasyo nanawagan og malinawon nga dayalogo sa isyu sa Pax Silica

Nanawagan ang Malacañang niadtong Biyernes sa mga grupong adunay kabalaka bahin sa Pax Silica initiative nga makigdayalogo sa gobyerno sa malinawon nga paagi imbis mogamit og kapintasan atol sa mga protesta.

Gihimo ni Palace Press Officer Claire Castro ang panawagan human sa komprontasyon tali sa mga batan-ong nagprotesta ug mga pulis atol sa Luzon Economic Corridor (LEC) Investment Forum sa Grand Hyatt Manila sa Taguig City niadtong Huwebes, nga gitambongan ni President Ferdinand R. Marcos Jr.

Sa press conference sa Philippine Embassy sa New Delhi, India, gipasabot ni Castro nga bisan gitahod ni Marcos ang freedom of expression, kinahanglan likayan sa mga nagprotesta ang mga lihok nga mahimong makadaot o mosangpot sa kapintasan.

“Ang Pangulo po nire-recognize, ginagalang ang freedom of expression. Pero hindi po sa pamamaraang maaari kayong makapanakit o maaari pong dumaan ito o magdulot ng karahasan (The President recognizes and respects freedom of expression. But it should not be exercised in a manner that court hurt others or lead to or cause violence),” matod ni Castro.

Misamot ang tensiyon sa dihang misulay pagsulod sa hotel ang mga nagprotesta batok sa Pax Silica initiative.

Gipasabot ni Castro nga ang pagsinggit ug paggamit og kapintasan dili makatabang sa publiko nga masabtan o masulbad ang mga isyu nga ilang gipahayag.

Giawhag niya ang mga nagprotesta nga moduol sa tukmang mga ahensya sa gobyerno aron ipahibalo ang ilang mga kabalaka.

“Hindi po ito parte ng isang freedom of expression. Kung mayroon silang nais na ipabatid patungkol sa issue ng Pax Silica, bukas ang ahensya ng pamahalaan na concerned dito sa project ng Pax Silica (This is not part of freedom of expression. If they have something they want to communicate regarding the Pax Silica issue, the government agency concerned with the Pax Silica project is open to them),” matod ni Castro.

“Hindi masusulusyonan ang issue ninyo sa pamamagitan nang mararahas na pagpoprotesta. Tayo po ay bansa na gumagamit ng tamang pag-e-evaluate, tamang pag-iisip, tamang pagdedesisyon (Your issues will not be resolved through violence protests. We are a country that believes in proper evaluation, proper thinking and proper decision-making),” dugang niya.

Ang Pax Silica, usa ka giplanong high-tech manufacturing ug innovation hub ubos sa LEC, nagtumong nga mahimong importanteng bahin ang Pilipinas sa global supply chains alang sa semiconductors, artificial intelligence ug critical minerals.

Gilauman nga ang giplanong development sa New Clark City sa Capas, Tarlac makamugna og hangtod 190,000 ka high-quality jobs alang sa mga Pilipino.

Kung hingpit nang ma-develop, posibleng makadani ang initiative og USD40 billion hangtod USD70 billion nga investments, nga makamugna og mga oportunidad alang sa Filipino engineers, researchers, computer science graduates ug uban pang highly skilled professionals nga mapalambo ang ilang career sa nasod.

-Ato ni Bai