Nepal naggamit og drones sa paghatod og ayuda sa mga naapektuhan sa baha

Gigamit sa Nepal Army ang mga drone sa paghatod og pagkaon, tambal, sugnod, ug ubang panginahanglan sa mga komunidad nga naapektuhan sa grabeng baha, human naguba ang mga dalan ug tulay samtang ang mga helicopter gigamit sa search and rescue operations.

Dili mokubos sa 1,367 ka tawo ang kumpirmadong namatay ug kapin 5,000 ang missing sa Nepal sukad nabungkag ang bahin sa usa ka Himalayan glacier duol sa utlanan sa Nepal ug China sa ulahing bahin sa Agosto. Nagresulta kini sa grabeng kadaot sa mga lugar ubay sa mga suba.

“Most of our helicopters are busy with rescue operations. There is no other way to send food, essentials, medicine and fuel, except for drones, which are the best option to utilise, and we should prioritise them more,” matod ni Santosh Budhathoki, usa ka contract drone pilot sa Nepal Army.

Makabiyahe ang mga drone og hangtod tulo ngadto sa upat ka kilometro ug makadala og hangtod 60 ka kilo matag biyahe, nga nakatabang na sa mga komunidad nga nanginahanglan og hinabang.

Nakahimo karon ang Nepal Army og mga 10 hangtod 16 ka paghatod sa ayuda kada adlaw gamit ang upat ka DJI FlyCart 100 drones nga gidonar sa China isip kabahin sa bag-ong aid package.

Gawas sa paghatod og ayuda, gigamit usab ang mga drone sa pagkuha ug pagdala sa mga lawas sa mga namatay sa baha sa pipila ka apektadong lugar. Gigamit usab ang reconnaissance drones sa pagpangita ug pagluwas sa mga tawo.

“We’ve been operating back and forth early in the morning. So yes, it is quite hectic, because we need to have this thing right now,” matod ni Milan Pandey sa drone operating company nga Airlift Technology.

“Nepal has this geography, this terrain where drones would be really faster, quicker and cheaper,” dugang ni Pandey. -Ato ni Bai