NASA: Roman Space Telescope Posibleng Molungtad og 22 ka Tuig

Miingon ang NASA nga bisan wala pa makaabot ang Nancy Grace Roman Space Telescope sa giplanong posisyon niini sa orbit, posibleng molungtad og 22 ka tuig ang operasyon sa pinakabag-ong flagship observatory niini—kapin doble sa gidugayon nga una nang gipahibalo.

Sa wala pa kini gilunsad sa miaging bulan, miingon ang U.S. space agency nga gidisenyo ang Roman alang sa lima ka tuig nga pangunang misyon ug dugang lima ka tuig nga extended mission, nga adunay kinatibuk-ang suplay sa fuel alang sa 10 ka tuig.

Apan miingon ang NASA nga posibleng mapalugway sa telescope ang operasyon niini tungod sa katukma sa unang mid-course correction niini padulong sa kataposang posisyon sa orbit, gipaabot nga resulta sa umaabot nga ikaduhang mid-course correction ug orbital insertion, ug dugang nga fuel nga gikarga sa wala pa ang paglunsad.

Gidala ang telescope ngadto sa kawanangan sakay sa SpaceX SPCX.O Falcon Heavy rocket niadtong Agosto 30 gikan sa Cape Canaveral, Florida, alang sa misyon nga imbestigahan ang pipila sa kinadak-ang misteryo sa astrophysics ug cosmology.

“As a result of exquisite planning by our orbital dynamics team, brilliant execution by the operations team and a precise launch from SpaceX, Roman has fuel for at least 22 years of potential science operations,” matod ni Jamie Dunn, center director sa NASA’s Goddard Space Flight Center sa Maryland, sa usa ka NASA blog post karong semanaha.

Nagbiyahe karon ang Roman sa kawanangan padulong sa usa ka lokasyon sa orbit nga gitawag og Lagrange Point 2, o L2, nga nahimutang mga usa ka milyon ka milya (1.6 million km) gikan sa Yuta.

“A spacecraft’s mass changes throughout the design and build process, so we base the propellant budget on a set maximum value so we won’t come up short,” matod ni Alison Rao, Roman propulsion lead sa NASA Goddard, sa blog post.

“We track the propellant needed based on actual mass throughout integration and testing as well, to make sure we have wiggle room. Since Roman’s was lower than we budgeted for, we were able to fill the propellant tanks to their capacity rather than only filling them as much as we needed to for the 10-year requirement,” matod ni Rao.

Dugang pa, miingon ang NASA nga wala gani makaabot sa 10% sa gigahin nga fuel ang nagamit sa unang pagkorihir sa agianan sa telescope.

Gidisenyo ang telescope aron imbestigahan ang mga misteryo sa kawanangan sama sa dark energy ug dark matter, samtang sulayan usab niini ang gravity sa hilabihan kalapad nga gilay-on ug mangita og mga exoplanet, nga mao ang tawag sa mga planeta gawas sa atong solar system. Palapdan sa Roman ang mga kapabilidad sa ubang observatory nga nag-orbit sa kawanangan sama sa James Webb Space Telescope, nga gilunsad niadtong 2021, ug Hubble Space Telescope, nga gilunsad niadtong 1990.

Gipaabot sa NASA nga makaabot ang Roman sa posisyon niini sa L2 orbit sa unang bahin sa Disyembre.

New NASA telescope to probe dark energy, dark matter and exoplanets

Bag-ong NASA Telescope Magtuon sa Dark Energy, Dark Matter ug mga Exoplanet

NASA launches powerful Roman Space Telescope, a spy satellite turned to the stars

NASA Naglunsad sa Gamhanang Roman Space Telescope nga Kanhi Spy Satellite ug Karon Gitumong sa mga Bituon. -Ato ni Bai