Mga Swiss scientist, gisulayan ang balhibo sa karnero aron mapanalipdan ang mga glacier

Gisulayan sa mga researcher sa Alps ang paggamit sa balhibo sa karnero aron makatabang sa pagpahinay sa pagkahilis sa mga glacier sa Switzerland.

Sulod sa daghang tuig, gibutangan og sintetikong tabon ang pipila ka bahin sa yelo ug niyebe panahon sa ting-init aron mosalamin ang kahayag sa adlaw ug mamenosan ang kainit nga masuyop niini, samtang padayong gipahilis sa global warming ang mga yelo nga sulod sa liboan ka tuig nahimong bahin sa talan-awon sa kabukiran sa Alps.

Apan kasagarang hinimo sa plastik ang maong mga tabon ug mahimong makapagawas og gagmayng fiber nga makapahugaw sa kinaiyahan. Ang “Keep It Wool” project, nga gipangulohan sa environmental group nga Summit Foundation ug University of Lausanne, naggamit hinuon og balhibo sa karnero aron mapahinay ang pagkahilis sa Tsanfleuron Glacier sa kasadpang Switzerland.

Tungod sa rekord nga kainit karong ting-init, nahilis ang niyebe sa mga glacier pipila ka semana nga mas sayo kaysa naandan, nga halos dili na malikayan nga mosangpot sa dugang pagkahilis sa yelo. Gituohang nakadugang kini sa peligro sa mga pagdahili sa bato sama sa nahitabo nga nakaguba sa baryo sa Blatten niadtong 2025 ug sa grabeng kalit nga pagbaha sa Himalayas niadtong miaging semana.

Matod ni project manager Timothee Steiner, gusto sa grupo nga mangita og alternatibong tabon nga natural nga madugta samtang mangitag kapuslanan sa balhibo sa karnero sa Switzerland, diin 40% hangtod 70% niini ang gilabay matag tuig.

Upat ka master’s degree students sa unibersidad ang nakahunahuna sa ideya ug nagtinabangay aron sulayan kini.

Niadtong Hunyo, duha ka prototype nga habol nga hinimo sa balhibo sa karnero sa Swiss firm nga Fisolan ang gibutang sa 200 square meters (2,100 square feet) nga bahin sa Tsanfleuron Glacier. Sa tibuok ting-init, gitandi sa mga researcher ang kaepektibo niini sa kasagarang geotextile nga tabon. Milabaw sa gipaabot ang unang mga resulta.

Matod ni Steiner, gipakita sa mga sukod nga gihimo matag duha ka semana nga parehas kaepektibo sa sintetikong tabon ang mga habol nga balhibo sa karnero sa pagpahinay sa pagkahilis sa yelo.

Matod ni Fisolan’s Niklaus Saegesser, natingala siya sa kalig-on sa materyal. “I thought it wouldn’t be stable enough.”

Matod ni student Elliot Gaffiot, wala sila masayod kon unsay ilang mapaabot. “Now we have a result we can see and even touch. It worked incredibly well.”

Apan gipasiugda sa mga nagpaluyo sa proyekto nga dili solusyon sa global warming ang paggamit sa mga habol nga balhibo sa karnero.

Mga 0.02% lamang sa kinatibuk-ang bahin sa mga glacier sa Switzerland ang gitabonan og mga panalipod, ug matod sa mga scientist, ang pagpakunhod sa greenhouse gas emissions — nga kasagarang gikan sa fossil fuels — nagpabiling bugtong makahuloganong dugayng paagi aron mapahinay ang pagkahilis sa yelo. -Ato ni Bai