Meta gitangtang ang mga bidyo sa South Cotabato school shooting

Gitangtang dayon sa Meta ang mga bidyo sa school shooting sa South Cotabato nga mikalas sa kinabuhi sa tulo ka estudyante, lakip ang gunman, ug nakapasamad sa unom ka uban pa, matod sa Cybercrime Investigation and Coordinating Center (CICC) niadtong Biyernes.

“Sa patuloy na koordinasyon ng CICC sa Meta, agad pong na-takedown ang mga kumalat na video ng insidente sa kanilang social media platforms, habang mabilis ding na-block ang mga account na nagbahagi ng nasabing material,” matod ni CICC Executive Director Renato “Aboy” Paraiso sa usa ka pahayag.

Gipasabot ni Paraiso nga padayon nga hugot nga gibantayan sa Threat Monitoring Center (TMC) sa CICC, usa ka opisina ubos sa Department of Information and Communications Technology (DICT), ang online space aron mailhan ug gilayon maaksyunan ang bisan unsang bag-ong content nga may kalabotan sa insidente.

Giawhag sa DICT ug CICC ang publiko nga dili magpakaylap sa bisan unsang bidyo sa shooting nga nahitabo sa usa sa mga classroom sa Banga National High School sa Barangay Benitez mga alas 1:15 sa hapon.

“Ang pagpapakalat ng ganitong content ay maaaring magdulot ng higit na takot, kalituhan at posibleng magbigay ng inspirasyon sa copycat violence,” matod ni Paraiso.

Gipaabot sa CICC ang pakikiramay niini sa mga pamilya ug mga minahal sa mga biktima.

Giawhag ni Paraiso ang mga ginikanan ug guardians nga bantayan ang online activities sa ilang mga anak, ilabi na ang paggamit sa gaming apps ug messaging features, pag-apil sa online communities, ug private chats.

Gipasabot niya nga padayon nga makig-coordinate ang CICC sa social media, gaming ug messaging platforms, ingon man sa ubang concerned agencies ug stakeholders, aron mapugngan ang “cyber-enabled threats and other forms of online harm.”

-Ato ni Bai