Malacañang nangita og ‘win-win solution’ sa planong regulasyon sa social media

Nanawagan ang Malacañang niadtong Biyernes nga balansehon ang gisugyot nga regulasyon nga magkinahanglan sa mga social media platform nga makakuha og congressional franchise aron maka-operate sa Pilipinas.

Matod ni Palace Press Officer Claire Castro, kinahanglan nga tun-an pag-ayo ang maong sugyot tungod kay dili lamang ang mga batan-ong Pilipino ang naggamit sa social media, kondili apil usab ang mga negosyo ug ubang sektor.

“So, dapat aralin, dapat balanse dahil hindi naman natin puwedeng matanggalan din ng karapatan ng ibang mga kababayan natin dahil sa mga nangyayari sa ating mga kabataan (So, we must study it. There must be balance because we cannot deprive other Filipinos of their rights because of what is happening to our youth),” matod ni Castro atol sa press conference sa Ilocos Norte.

Matod ni Castro, bukas si President Ferdinand R. Marcos Jr. sa mga lakang nga maglimitar sa pagkaladlad sa mga batan-on sa makadaot nga online content, apan gusto niyang makab-ot ang usa ka “win-win solution” alang sa mga tiggamit ug sa mga social media platform.

Dugang ni Castro, tun-an una sa Presidente ang gisugyot nga regulasyon sa dili pa siya mohimo og desisyon.

“Dapat po win-win solution sa ating mga mamamayan at pati na rin po sa mga social media platforms (There should be a win-win solution for our citizens and also for social media platforms),” matod ni Castro.

Nanawagan usab si Castro nga magtinabangay ang tanang sektor sa nasod aron masulbad ang mga pag-atake sa mga eskwelahan, nga iyang gilambigit sa pagkaylap sa iyang gihulagway nga “nihilistic violent extremism” sa internet.

Matod niya, kinahanglan panalipdan ang mga tiggamit sa social media, ilabina ang mga batan-ong Pilipino, batok sa mga indibidwal nga nagpakaylap sa violent extremism ug disinformation sa internet.

Giawhag usab ni Castro ang mga social media platform nga makigtambayayong sa mga gobyerno aron masulbad ang sayop nga paggamit sa ilang mga serbisyo.

“Kailangan din po kayong magbigay ng inyong pangako at kung papaano ninyo rin po matutulungan ang bawat gobyerno, hindi lang ang Pilipinas, bawat bansa kung paano ninyo masusolusyunan ang mga ganitong klaseng problema. Hindi dapat puro kita lang, kailangan din ay may puso (You also need to commit to helping governments — not just the Philippines but every country — solve these kinds of problems. It shouldn't just be about profit. There also needs to be concern for people),” matod niya.

-Ato ni Bai