Maersk mopataas sa dugang bayranan sa gasolina tungod sa gubat sa Middle East

Mipahibalo niadtong Huwebes ang Danish shipping company nga Maersk nga patas-an niini ang dugang bayranan sa gasolina panahon sa emerhensiya o emergency fuel surcharge (EFS) alang sa tanang kargamentong ipadala sa gawas ug mga kargamentong moabot gikan sa ubang nasud tungod sa nagpadayong panagbangi sa Middle East.

Misaka ang presyo sa krudo niadtong Huwebes tungod sa kabalaka sa suplay gikan sa Middle East, samtang nagkadaghan ang mga pag-atake sa mga barko sa Gulf ug Strait of Hormuz. Samtang, gipakunhod usab sa Estados Unidos ang produksiyon sa krudo tungod sa bagyo nga naghulga sa mga pasilidad sa pagkuha og krudo sa kadagatan.

Sa usa ka pahayag, gipahibalo sa Maersk nga ipataas niini ngadto sa 20% ang EFS sugod Oktubre 12. Padayon usab nga susihon sa kompanya ang maong dugang bayranan aron matino kon kinahanglan pa kining usbon.

-Ato ni Bai