Kusog nga pagsaka sa yen, nakapakurat sa carry trade investors

Nakapakurat sa mga investors sa carry trade ang kusog nga pagsaka sa Japanese yen sa wala pa ang gipaabot nga interest rate hike sa Bank of Japan (BOJ) sunod semana, hinungdan nga ilang gitimbang pag-usab ang umaabot nga dagan sa currency.

Nakatabang sa pagpalig-on sa yen ang unang mga timailhan nga adunay kapital nga gibalik ngadto sa Japan, ang pagdahom nga mas paspason sa BOJ ang pagpataas sa interest rates, ug ang pressure gikan sa United States. Niabot sa 40-year low ang yen niadtong Hulyo, nga misangpot sa hiniusang intervention sa U.S. ug Japan.

Ang kalit nga pagsaka sa yen nakapadasig usab sa mga investors nga hinay-hinay nang mohawa sa popular nga carry trade. Niining pamaagiha, manghulam ang investors og yen sa ubos nga gasto ug ipuhunan kini sa ubang currencies ug assets nga adunay mas taas nga returns, samtang nagpaabot ang mga traders sa central bank meetings sa Japan ug U.S.

“The carry trade is vulnerable because this unwind is happening before the BOJ has even delivered its expected hike,” matod ni Charu Chanana, chief investment strategist sa Saxo.

“Some yen shorts have already been cut, but positioning still looks sizeable, so further yen strength can turn a gradual reduction in leverage into a much faster, self-reinforcing unwind.”

Bisan lisod tukion ang eksaktong gidak-on sa yen carry trade, gipakita sa datos nga dako kaayong kantidad sa kwarta ang nalambigit niini ug mahimong makapakurog sa mga merkado kon kalit kining mahunong, sama sa nahitabo niadtong Agosto 2024.

Misaka ngadto sa record nga 360 trillion yen o $2.35 trillion ang cross-border yen borrowing hangtod Marso, sumala sa analysis sa Jefferies sa datos gikan sa Bank for International Settlements. Kini ang pinakadakong natigom nga kantidad sa carry trade sulod sa miaging tulo ka dekada.

Tungod sa pagdahom nga makapadayon si Japanese Prime Minister Sanae Takaichi sa luag nga monetary policy kauban sa iyang fiscal stimulus, sobra kadako ang positions nga gikuha sa mga investors sa yen carry trade ug karon nagkakusog na ang ilang pag-atras niini, matod ni Akira Moroga, chief market strategist sa Aozora Bank.

Milig-on ang yen ngadto sa 152.89 kada dolyar niadtong Martes, ang pinakakusog nga lebel niini sukad Pebrero. Paspas kini nga pagbalik gikan sa hapit 160 kada dolyar wala pay usa ka semana ang milabay, nga nakapabalik sa kabalaka sa posibleng laing intervention.

“The break below 155 appears to have triggered another leg of yen short covering, with both leveraged funds and real-money investors reducing short-yen exposure,” matod ni Masahiko Loo, senior fixed-income strategist sa State Street Investment Management sa Tokyo.

Matod sa mga analysts, ang kusog nga pagsaka nagpakita nga posibleng na-trigger ang stop-loss orders—automatic nga mga mando sa pagpalit o pagbaligya kon makaabot ang currency sa gitakdang lebel—nga nakapapaspas sa paglihok sa dollar batok sa yen.

Halapad ang pagsaka sa yen, nga milig-on og hapit 5% karong Setyembre batok sa Mexican peso ug Turkish lira, duha sa kasagarang currencies nga gigamit sa carry trade.

“A further unwind could push USD/JPY toward the mid-140s given the sizeable outstanding short position,” matod ni Loo, nga midugang nga nagkadaghan ang investors nga nagdahom og mas agresibong pagpataas sa interest rates sa BOJ. “That said, this is no longer just a positioning story.”

Sa pagkakaron, 97% ang posibilidad nga ipataas sa BOJ og 25 basis points ngadto sa 1.25% ang key interest rate niini, sumala sa datos sa Tokyo Tanshi. Misaka kini gikan sa 52% usa ka bulan ang milabay. Gipakita usab sa datos ang 27% nga posibilidad sa rate hike sa Oktubre ug 61% sa Disyembre.

TRADERS, NAGBANTAY NGA DILI MAUSAB ANG NAHITABO NIADTONG 2024

Nakita ang peligro sa kalit ug gubot nga paghunong sa carry trade niadtong 2024, sa dihang ang rate hike sa BOJ nakapalig-on sa yen ug nagpugos sa mga traders sa pag-undang sa ilang carry trades, nga nakapakurog sa global markets sulod sa pipila ka adlaw.

Apan matod sa mga analysts, lahi ang kahimtang karon tungod kay nangandam na ang investors sa padayong paghugot sa monetary policy sa Japanese central bank ug dili na sila sama kaniadto nga mahimong makurat sa kalit nga pagbag-o.

Miingon si Kenneth Goh, director of private wealth management sa UOB Kay Hian, nga niadtong 2024, misaka ang yen apan walay klarong kapadulngan sa kwarta.

“That is what has changed. Money no longer has to leave Japan to earn a return,” matod ni Goh, nga naghisgot nga ang yield sa 10-year Japanese government bond nagpabilin duol sa pinakataas nga lebel niini sulod sa 30 ka tuig.

“Whether this is a turn or another squeeze gets answered after September 18, not before it. If the yen holds its gains after a hike, the funding side has genuinely repriced.”

Bisan pa niini, adunay kabalaka nga basin sobra kataas ang gipaabot sa merkado kang BOJ Governor Kazuo Ueda. Kon dili matuman ang gipaabot sa mga investors, posible nga paspas usab nga mous-os pag-usab ang yen.

Miingon ang FX sales desk sa Citi nga posibleng sobra kataas ang expectations sa merkado tungod kay dili gusto sa BOJ nga mausab ang nahitabo niadtong summer sa 2024.

“That said, in a world where every meeting is genuinely ‘live,’ I would expect the type of carry trade in which investors simply stay short JPY ‘until the next hike meeting’ to shrink,” matod niini sa usa ka note.

Sa pagkakaron, nag-amping ang mga traders samtang nagpaabot sa importanteng central bank meetings sunod semana nga mahimong magbuot sa sunod nga dagan sa yen ug sa carry trade.

“Many traders remain reluctant to aggressively rebuild yen shorts given the intervention risk,” matod ni Loo. “The carry trade still works, but it is no longer a free lunch. It now comes with a political risk premium.” -Ato ni Bai