Iran, tutukan ang problema sa ekonomiya; misaad og kusog nga balos kung atakehon pag-usab

Gipahibalo sa Iran nga palig-onon niini ang mga paningkamot aron masulbad ang mga problema nga gipahinabo sa mga silot sa US nga nakapaluya sa ekonomiya niini, samtang mipasidaan ang usa ka taas nga opisyal sa Iran nga adunay “painful response” kung atakehon pag-usab ang nasud.

Unom ka bulan human sa mga pag-atake sa US ug Israel batok sa Iran, daw wala gihapoy kalamboan sa gubat. Nabungkag ang unang kasabutan alang sa temporaryong paghunong sa gubat nga nakab-ot niadtong Hunyo, ug gamay ra ang kalamboan sa diplomatikong mga paningkamot aron ibalik sa hustong dalan ang proseso sa kalinaw.

Human sa paghunong sa mga operasyong militar sa dakong bahin sa Hulyo, mibalik ang tinubagay nga mga pag-atake. Matod sa U.S. Central Command, giatake niini ang tulo ka Iranian tanker niadtong Sabado isip tubag sa paglusad sa Iran’s Islamic Revolutionary Guard Corps og mga ballistic missile batok sa duha ka barko sa U.S. Navy.

Human sa mga pag-atake, matod ni Iran’s Parliament Speaker Mohammad Baqer Qalibaf niadtong Domingo nga kinahanglan masabtan sa US nga nausab na ang mga lagda sa gubat batok sa Iran “before it is too late”.

“From now on, any attack against Iran’s interests and security will receive a faster, heavier and more painful response,” matod niya sa usa ka pakigpulong nga gipatik sa iyang Telegram channel.

Gipakita sa Tehran nga aduna gihapon kini katakos sa pag-atake sa mga interes sa US sa silingang mga nasud ug pagsira sa agianan sa lana sa Strait of Hormuz, diin moagi ang ikalima nga bahin sa suplay sa lana sa tibuok kalibotan sa wala pa ang panagbangi.

MGA SILOT, PAGBABAG SA LANA NAGLISOD SA EKONOMIYA

Apan nagkalisod na ang Iran sa pagsugakod sa kampanya sa US nga pahuyangon ang ekonomiya niini pinaagi sa pagbabag sa pag-eksport sa lana ug pagpugong sa mga paagi aron malikayan ang mga silot, sumala sa tulo ka taas nga tinubdan sa Iran.

Sa iyang pakigpulong niadtong Domingo, midugang si Qalibaf nga gawas sa gubat sa militar, ang pangunang pakigbisog karon sa Iran mao ang produksyon ug panginabuhian sa katawhan.

Gikutlo niya isip dagkong hagit ang kusog nga pagsaka-kanaog sa bili sa kuwarta, inflation, kawalay trabaho ug pagdumala sa merkado. Midugang siya nga makalahutay ang mga Iranian sa kalisod apan dili sa sayop nga pagdumala o kakulang sa aksyon, ug nagpaabot sila nga molihok dayon ang gobyerno.

Matod ni Iran’s Economy Minister Ali Madanizadeh nga plano sa Tehran nga tubagon pinaagi sa mga reporma ang economic pressure sa US ug gisalikway niya ang ideya nga mausab ang direksyon sa Iran tungod sa mga silot, sumala sa state media niadtong Domingo.

“They speak of economic pressure and isolation, of breaking off financial ties and they think that by pressuring the economy of a country they can change the decisions of its people,” matod ni Madanizadeh.

“I have to clarify one point: the responsibility of reforming Iran’s economy is with its government and people, not with the U.S. Treasury.”

Sa laing bahin, matod ni Economy Ministry deputy Morteza Zamanian niadtong Domingo nga gipakusog sa “Economic War Headquarters” sa ministeryo ang trabaho niini aron masulbad ang mga problema nga gipahinabo sa gubat, sumala sa semi-official Tasnim news agency.

KHARG ISLAND, GIATAKE OG 550 KA HIGAYON SA MIAGING MGA BULAN — IRAN

Ang Iran mao ang ikatulo sa labing dagkong producer sa Organization of the Petroleum Exporting Countries ug 90% sa crude oil niini gi-eksport pinaagi sa Kharg Island sa wala pa ang gubat. Naapektuhan ang pag-eksport sukad gisugdan sa US ang pagbabag sa Iranian oil exports sa tunga-tunga sa Abril.

Niadtong Agosto 31, nag-post si Trump og usa ka linya sa social media uban sa AI-generated video nga nagpakita sa Kharg Island nga “blown to smithereens.” Misaad ang mga awtoridad sa Iran og kusog nga tubag kung atakehon ang Kharg.

Sa usa ka interbyu nga gipasalida sa state TV niadtong Domingo, matod ni Iran’s Oil Minister Mohsen Paknejad nga mga 550 ka higayon nang giatake ang isla sa miaging mga bulan apan nagpadayon gihapon kini sa operasyon.

Nagpatuman usab ang Iran og pagbabag sa Strait of Hormuz, nga nahimong problema alang kang U.S. President Donald Trump tungod sa pagsaka sa presyo sa gasolina sa tibuok kalibotan sa wala pa ang midterm elections sa iyang Republican Party karong Nobyembre.

Niadtong Sabado, matod sa U.S. Central Command nga giatake niini ang tulo ka Iranian vessel, lakip ang usa duol sa baybayon sa Kharg Island, human naglusad og mga ballistic missile ang Iran’s Islamic Revolutionary Guard Corps batok sa duha ka barko sa U.S. Navy.

“Let the message to the IRGC be clear: If you shoot at two of our ships, we will impose an even higher economic cost — taking out three of yours,” matod ni Admiral Brad Cooper, pangulo sa U.S. Central Command, nga nagdumala sa militar sa US sa Middle East.

Mitubag ang IRGC pinaagi sa paghulga nga pakusgon ang mga pag-atake batok sa mga barkong militar sa US sa rehiyon. Sa ulahi, matod niini nga giatake usab nila ang tulo ka tanker ug tulo ka barko nga konektado sa US sa ubang mga lugar.

“Do not be deceived by the ‘terrorist’ U.S. military and refrain from any suspicious movement aimed at passing through unauthorized waterways,” matod sa IRGC Navy sa usa ka pahayag nga gipasalida sa Iranian state TV. “Otherwise, you will be targeted.”

Gi-report sa Tasnim, ang semi-official Iranian news agency, nga upat ka US missile ang miigo sa usa ka tanker sa anchorage area sa Kharg. Gikutlo sa Tasnim ang lokal nga mga tinubdan nga walay namatay o nasamdan ug gipagawas gikan sa tanker ang mga tripulante niini.

Walay American personnel nga nasamdan, matod sa Central Command.

Niadtong Domingo, gi-report sa Tasnim nga gipusil ug napukan sa IRGC ang usa ka US surveillance balloon ibabaw sa Erbil sa amihanang Iraq, nga gihulagway niini nga kabahin sa mas lapad nga paningkamot aron wagtangon ang mga sistema sa US alang sa pagbantay gikan sa kahanginan ug sayong pagpahimangno sa rehiyon -Ato ni Bai