GLOBAL MARKETS: Asian markets mabinantayon sa wala pa ang desisyon sa US Fed

Misaka og gamay ang stocks sa pagsugod sa trading session sa Asia niadtong Miyerkules samtang mihunong sa pagsaka ang global bond yields ug presyo sa krudo sa wala pa ang policy decision sa Federal Reserve nga gipaabot sa ulahi sa maong adlaw.

Ang MSCI’s broadest index of Asia-Pacific shares outside Japan .MISX00000PUS nagbalhin-balhin tali sa pagsaka ug pag-ubos human mokunhod sulod sa upat ka sunod-sunod nga sessions ug kataposang misaka og 0.2%, nga gipangulohan sa 0.8% nga pagsaka sa Korean shares .KS11. Ang S&P 500 e-mini futures EScv1 misaka og 0.1%.

Sa miaging gabii sa Wall Street, miubos og 0.5% ang S&P 500 .SPX, nga maoy ikaduhang sunod-sunod nga adlaw sa pagkunhod niini samtang ang yield sa 10-year Treasury bond miabot sa pinakataas nga lebel sukad 2007.

“U.S. equity markets closed lower overnight as rising Treasury yields, another jump in crude and the polarised debate around pacing AI development left the market in a cautious mood,” matod ni Tony Sycamore, market analyst sa IG sa Sydney.

Ang yield sa U.S. 10-year Treasury bond miubos og 0.8 basis point ngadto sa 4.9875% sa trading sa Asia human milapas sa 5% nga marka niadtong Martes sa unang higayon sulod sa tulo ka tuig, sa wala pa ang desisyon sa Federal Reserve bahin sa interest rate ug media conference ni Fed Chair Kevin Warsh.

Nagtuo ang mga trader nga halos sigurado na ang pagtaas sa interest rate sa Federal Reserve, nga adunay gibanabanang 92.4% nga posibilidad sa 25-basis-point hike sa dihang ipahibalo niini ang policy decision, sumala sa CME Group’s FedWatch tool, kumpara sa 59.4% nga posibilidad usa ka semana ang milabay.

Ang U.S. dollar index =USD, nga nagsukod sa kusog sa dolyar batok sa unom ka currencies, nag-trade duol sa pinakataas nga lebel niini sulod sa duha ka semana sa 99.656.

Miubos ang presyo sa krudo sa pagsugod pag-usab sa trading sa Asia, diin ang Brent crude futures LCOc1 mikunhod og 0.6% ngadto sa $108.08 matag barrel human misaka og 2.9% niadtong Martes. Nahitabo kini human miingon ang mga tinubdan sa shipping industry nga gisuspenso ang pagkarga sa krudo sa Red Sea export hub sa Saudi Arabia sa Yanbu ug gikansela sa Riyadh ang pipila ka cargo deliveries ngadto sa European customers.

Nagpadayon ang pagkunhod sa digital assets human mibotar ang U.S. Senate niadtong Martes batok sa pagpaabante sa komprehensibong cryptocurrency legislation nga gisuportahan ni President Donald Trump. Miubos og 0.1% ang Bitcoin BTC= ngadto sa $75,816.24, samtang mikunhod og 0.2% ang ether ETH= ngadto sa $2,403.27. -Ato ni Bai