TENNIS: Zverev, nakaabante sa US Open bisan sa pressure ug ulan

Nakalabang si Alexander Zverev sa kusog nga hagit ni Lorenzo Sonego aron makaabante sa second round sa U.S. Open niadtong Martes ug mapadayon ang iyang tinguha nga makaabot sa ikatulong sunod nga Grand Slam final, samtang ang padayong ulan nakasamok sa iskedyul sa Flushing Meadows.

Sayo niini, nakaabante sila American players Madison Keys, Coco Gauff ug Taylor Fritz ubos sa atop sa Arthur Ashe Stadium, samtang gipakita sa bag-ong crowd favourite nga si Alexandra Eala ang iyang nagpadayong pag-uswag pinaagi sa hapit walay sayop nga duwa.

Gidala ni Sonego sa lima ka sets ang French Open champion ug Wimbledon finalist nga si Zverev, nga nahimong top-billed player sa New York tungod sa pagkawala sa injured world number one nga si Jannik Sinner, apan nakadaog siya sa 6-4 3-6 6-7(7) 7-5 6-4.

“I’m just happy I won, that’s it,” matod ni Zverev human sa upat ka oras ug 53 minutos nga duwa.

“I’m happy that I won this battle and it was exactly what I needed … good things happen after you fight through these matches.”

Duha na lang ka puntos ang gilay-on ni Zverev gikan sa kapildihan sa usa ka bahin sa duwa, apan nagpabilin siyang kalmado sa importanteng higayon aron makatakda og duwa batok kang Quentin Halys.

Napildi sa first round sa miaging tuig si Keys, ang runner-up niadtong 2017, tungod sa grabeng kakulba, apan nakuha niya ang hustong pamaagi karong higayona sa opening match sa main showcourt human pildihon si Alina Korneeva, 7-5 6-4.

“It’s so hard to play the first round of a Grand Slam. So nervous and wanting to do well,” matod ni Keys, nga sunod makigduwa sa Hungarian nga si Anna Bondar.

“So grateful I was able to fight through that.”

FRITZ MIBALIK SA IYANG MAAYONG PORMAL

Sayon nga nakaabante ang ninth seed nga si Fritz sa ikaduhang duwa sa showpiece stadium human pildihon ang 18-anyos niyang compatriot nga si Darwin Blanch, 6-3 6-2 6-4.

Nagkalainlain ang resulta sa 2024 finalist sa iyang pagpangandam alang sa katapusang Grand Slam sa tuig, diin nakadaog siya sa Washington sa wala pa mapildi sa iyang opening match sa Montreal sa miaging bulan ug nakaabot sa quarter-final sa Cincinnati, apan mibalik siya sa iyang naandang maayong porma niadtong Martes.

Usa si Fritz sa mga nag-unang contender nga mahimong motapos sa 23 ka tuig nga paghulat sa America alang sa men’s Grand Slam singles champion sukad sa kadaugan ni Andy Roddick sa Flushing Meadows.

“It’s super important for me,” matod ni Fritz.

“I’d be pretty disappointed in the end of it if I wasn’t able to achieve that. In my life, any time I have set a big goal for myself, I’ve always done it.”

Sa Louis Armstrong Stadium, nakalingkawas ang men’s fifth seed nga si Flavio Cobolli sa lisod nga duwa batok kang Francisco Comesana, 3-6 2-6 6-3 6-4 6-4, samtang nakaabante ang women’s fifth seed nga si Mirra Andreeva pinaagi sa 6-2 6-2 nga kadaugan batok kang Janice Tjen.

Gipildi usab ni Gauff si Zeynep Sonmez, 6-3 6-4, aron sugdan ang iyang kampanya alang sa ikatulong Grand Slam title, sa wala pa dominaha ni Eala, usa usab sa labing gipaabot nga players niadtong adlawa, ang qualifier nga si Mary Stoiana, 6-1 6-2.

ULAN NAKAPROBLEMA SA MGA ORGANIZER

Naglibot-libot sa grounds sayo niadtong adlawa ang liboan ka ticketholders nga nagsul-ob og poncho human ang ulan nagpahinabo og taas nga pagkalangan sa pagsugod sa mga duwa sa outdoor courts.

Usa sa mga gisubay pag-ayo mao ang American teenager nga si Thea Frodin, nga nagsilbing tennis-playing double sa batan-ong Serena Williams sa 2021 film nga “King Richard.”

Nakuha niya ang pagdayeg sa home crowd apan wala makuha ang Hollywood ending sa iyang WTA Tour-level debut batok sa second seed nga si Elena Rybakina, nga mipawala sa kabalaka bahin sa seryosong injury pinaagi sa kombinsidong 6-3 6-2 nga kadaugan.

Gisundan kini ni Lorenzo Musetti sa kinadak-an nga outdoor court pinaagi sa kombinsidong 6-3 6-3 7-5 nga kadaugan batok sa Briton nga si Arthur Fery, nga nakahimo og wala damhang pag-abante ngadto sa Wimbledon semi-finals.

Gikatakdang motapos si Alex de Minaur sa programa sa Grandstand batok sa Italian qualifier nga si Andrea Guerrieri, apan apil ang ilang duwa sa pipila ka matches nga gikansela niadtong adlawa human mibalik ang ulan sa gabii.

Kinahanglang kompletohon sa mga organizer ang kinatibuk-ang 14 ka first-round matches karong Miyerkules, lakip ang mga duwa nga gisuspenso.

Gisaulog sa French showman nga si Gael Monfils ang iyang ika-40 nga birthday pinaagi sa 2-6 6-1 6-2 6-0 nga kadaugan batok kang Adolfo Daniel Vallejo aron mapadayon ang iyang farewell Grand Slam campaign.

-Ato ni Bai