TENNIS: Zverev Gibuntog si Shelton Aron Makuha ang US Open Title

Gibuntog ni top seed Alexander Zverev ang mapait niyang mga handumanan sa U.S. Open human pildihon ang American nga si Ben Shelton, 6-3 7-6(2) 5-7 6-2, sa final niadtong Domingo, aron makuha ang titulo unom ka tuig human mawala kaniya ang usa ka dakong oportunidad.

Nawala sa German ang duha ka set nga labaw sa 2020 title match batok sa Austrian nga si Dominic Thiem, apan karon nga adunay na siyay mentalidad sa usa ka champion human sa iyang breakthrough triumph sa Roland Garros niadtong Hunyo, gipakyas niya ang American fans pinaagi sa kusog nga performance batok kang Shelton.

“I think God has seen how hard we worked, how much we suffered, how much pain we went through and I think 2026 is the outcome of all the years that happened before,” matod ni Zverev atol sa presentation ceremony.

Gustong-gusto sa home fans nga tapuson ni Shelton ang 23 ka tuig nga hulat sa American men’s Grand Slam title, apan wala gyud makit-i sa eighth seed ang iyang labing maayong porma sa una niyang major final.

“I know that today 99.9% of the people wanted Ben to win so I’m very sorry,” matod ni Zverev. “Even though I know that the crowd was against me, the crowd was always incredibly fair and we as players we appreciate it.”

Tungod sa dakong pag-focus ni Zverev sa duwa, wala gani siya makaamgo nga nakadaog na siya sa titulo sa dihang napalayo ni Shelton ang iyang service return.

Sa dihang gipahibalo sa umpire ang ‘Game, set and match Zverev’, mibalik ang German sa baseline, andam nga modawat sa serve ni Shelton.

Milabay pa ang pipila ka segundos sa wala pa niya masabti nganong gibarogan ug gipalakpakan siya sa mga fans – sa ulahi mipahiyom siya ug midagan ngadto sa net aron gakson si Shelton.

Mipahiyom na usab siya sa dihang gihatagan sa Grand Slam record nga $5.5 million nga premyo alang sa champion.

ZVEREV GETS HOT START

Sa panagtagbo sa duha sa labing eksplosibong players sa tennis, si Zverev ang nagpakita sa mas kusog nga sugod, samtang nakita ang kakulang sa kasinatian ni Shelton sa iyang double fault sa break point sa opening game.

Nakahimo si Shelton og usa sa labing maayong puntos sa duwa sa sixth game, sa dihang nakab-ot niya ang usa ka drop shot ug midaog sa tensiyonadong panag-ilog sa net.

Gidasig sa iyang team, gisagol sa American ang serve-and-volley tactics sa pagsulay nga mausab ang dagan sa duwa, apan wala kini molampos ug gihatag niya kang Zverev ang set pinaagi sa usa ka double fault.

Gisulayan sa home crowd nga samokon ang konsentrasyon ni Zverev sa second set, kusog nga naglipay human siya makahimo og double fault sa ninth game. Apan wala magpadala ang German ug milabaw og 5-0 sa tiebreak samtang kusog nga nagsinggit ang mga fans og “Let’s go, Ben!”

Morag diretso na unta si Zverev sa kadaugan sa third set human niya maluwas ang usa ka break point sa sixth game pinaagi sa kusog nga backhand winner.

Mibutho ang kasagmuyo ni Shelton duha ka games ang milabay sa dihang nadulas siya ug natumba sa court, nga nakaingon sa American og usa ka pamalikas.

Apan wala mohunong si Shelton, ug gipugngan ang iyang kontra pinaagi sa sunod-sunod nga kusog nga groundstrokes gikan sa baseline aron makakuha og break sa serve ug mapugos ang fourth set.

Ang kalig-on ni Shelton nakalangan lamang sa dili na malikayang resulta, samtang midaog si Zverev sa 25-shot rally aron makakuha og sayong break sa deciding set. Wala na niya buhii ang maong bentaha hangtod nga sa kataposan nakuha niya ang higayon nga maalsa ang U.S. Open trophy sa iyang ika-11 nga pag-apil sa hardcourt major.

“My successes are a gift, the failures are a gift, and being here playing in front of you guys is a gift,” matod ni Shelton, ang unang Black American man sulod sa 54 ka tuig nga nakaabot sa New York final human ni Arthur Ashe.

Nakaabot ang iyang girlfriend nga si Olympic champion soccer player Trinity Rodman sa iyang player’s box human mobiyahe og 200 miles gikan sa iyang Washington Spirit game, nga kadaghanan sa oras nagdungan sa pagsugod sa duwa ni Shelton.

‘JANNIK IS STILL AHEAD’

Ang kadaugan gilaum nga makatabang kang Zverev nga makalingkawas sa sunod-sunod niyang mga kapakyasan sa Grand Slam. Ang career sa German nalambigit usab sa mga alegasyon sa domestic violence, nga balik-balik niyang gipanghimakak.

Ang iyang duha ka majors karong season nakaputol sa dominasyon nila Carlos Alcaraz ug Jannik Sinner, nga midaog sa tanang walo ka Grand Slam titles sa 2024 ug 2025.

Si Alcaraz, nga midaog sa Australian Open karong tuiga, natangtang sa U.S. Open human pildihon ni Shelton sa quarter-final pagkahuman sa taas nga pagkawala tungod sa injury, samtang miatras si Sinner tungod sa injury sa wala pa magsugod ang tournament human makadaog sa Wimbledon.

Sa dihang gipangutana kon giisip ba niya ang iyang kaugalingon nga top player sa kalibotan karon, miingon si Zverev, “With Jannik Sinner being injured and Carlos Alcaraz coming back from injury after four months, right now this moment, probably yes.

“Both of them healthy and both of them at the top of their game, maybe not.

“If everyone is healthy, I think Jannik is still ahead. It’s as simple as that.” -Ato ni Bai