TENNIS: Svitolina Miatras sa Cincinnati Open Tungod sa Injury sa Bukongbukong

Miatras si world number nine Elina Svitolina sa Cincinnati Open niadtong Martes sa wala pa ang iyang third-round match batok kang Wang Xiyu tungod sa injury sa tuo niyang bukongbukong.

Moadvance ang China’s Wang ngadto sa final 16 pinaagi sa walkover ug moatubang kang Madison Keys.

“Unfortunately I tried my best to recover, but the injury I sustained in Toronto and also pushed by the second round match, I didn’t recover as I wish I could to get ready for my next round,” matod ni Svitolina sa usa ka pahayag.

“Have of course great memories of playing here and going deep in the tournament. Had a great match here two nights ago. Very sad to pull out this round.”

Mikuha og medical timeout ang Ukrainian aron maatiman ang iyang tuo nga tiil atol sa second set sa iyang second-round match batok kang Tereza Valentova niadtong Domingo, apan mipadayon siya ug midaog, 3-6 7-6(5) 6-0.

Sunod nga gikatakdang moduwa si Svitolina sa U.S. Open, nga magsugod sa ulahing bahin ning bulana. -Ato ni Bai