TENNIS: Sabalenka Mihunong Kadiyot sa US Open Tungod sa Bahong Marijuana

NEW YORK- Mihunong kadiyot si world number one Aryna Sabalenka atol sa iyang US Open third-round match niadtong Biyernes aron ipahibalo sa umpire ang kusog nga baho sa cannabis nga miabot sa court sa Louis Armstrong Stadium.

Si Sabalenka, nga sayong nanguna og 3-0 sa wala pa midaog sa straight sets batok kang Kamilla Rakhimova sa Uzbekistan, mipahibalo bahin sa baho atol sa iyang ikaduhang service game, sa wala pa gipadayon ang duwa.

"Someone is smoking weed," matod ni top seed Sabalenka kang umpire Eva Asderaki-Moore samtang nanguna siya og 30-0 sa iyang serve. "Would you mind to... because it's so strong."

Sa ulahi, miingon si Sabalenka sa mga reporter nga wala siya mosupak sa mga tawo nga naglingaw-lingaw, apan gihangyo niya nga dili manigarilyo duol sa tennis court.

"I was like, Guys, you can do whatever, you can smoke whatever, you can relax as much as you can, but please to not do it around the tennis courts," matod sa nagpahiyom nga si Sabalenka. "It's a bit tricky to handle that smell while you're trying to compete at your best."

Nahimo nang pamilyar apan dili maayong bahin sa Flushing Meadows ang baho sa cannabis, diin adunay mga players nga mireklamo kaniadto nga makabalda kini sa ilang pagduwa.

Bisan og dili tugotan ang pagpanigarilyo sulod sa grounds, legal ang recreational cannabis alang sa mga hamtong nga kapin sa 21 anyos sa New York. Ang aso gikan sa mga tawo sa palibot sa Flushing Meadows-Corona Park mahimong maanod ngadto sa tennis complex ug mga court.

Miingon si Sabalenka nga nakasimhot na siya og cannabis kaniadto atol sa tournament, apan wala pa kini mokusog sama niadtong Biyernes atol sa usa ka match, diin daw gidala sa hangin ang baho ngadto sa stadium.

"That strong, yeah. Also, because it was a bit windy," matod niya. "I don't know if it was coming from the crowd or was from the outside because the wind blows it into the stadium.

"I just hope they are a bit more aware of that stuff," dugang niya, sa wala pa mikatawa sa dihang mibalik ang mga pangutana bahin niini. "Come on, guys. I think there is nothing else to say about weed. I'm just asking people not to smoke it next to the tennis court."

PEGULA MIUYON SA KABALAKA

Miuyon si world number three Jessica Pegula, nga nagduwa usab niadtong higayona sa tapad nga Arthur Ashe Stadium, sa mga pahayag ni Sabalenka.

"It makes it New York that it's so kind of all over the place and chaotic," matod ni Pegula. "But I do think that there are things that maybe could be better suited towards helping the match be a tennis match and not letting other factors kind of interfere."

Nahitabo ang insidente taliwala sa kontrobersiya sa nagkadaghang influencers ug content creators ug sa mga pangutana bahin sa ilang epekto sa players ug sa kahimtang sulod sa court.

"As far as like the influencer things... tennis etiquette, it's something you have to learn as you go to these events," matod ni Pegula. "The smoking weed, you probably just shouldn't do that. I feel like that should be a known thing."

-Ato Ni Bai