TENNIS: Sabalenka Gipildi ni Czech Teen Bartunkova sa China Open

Napildi si Aryna Sabalenka sa ikatulong hugna sa China Open human siya pildihon sa 20-anyos nga Czech player nga si Nikola Bartunkova, 6-4, 6-3, sa Beijing niadtong Domingo, ang pinakabag-ong kapakyasan sa makapahigawad nga season sa world number two.

Nabreak dayon si Sabalenka sa unang game ug nasayang ang lima niya ka kahigayonan nga makabawi og break sa ikaunom nga game sa unang set, sa wala pa siya hingpit nga mapildi human sa usa ka oras ug 35 minutos nga duwa.

“I focused on myself, to be calm. Aryna is great. She’s a legend. She’s a Grand Slam champion,” matod ni Bartunkova, 20.

Wala pa makadaog og titulo ang upat ka higayong major winner nga si Sabalenka sukad makompleto niya ang “Sunshine Double” pinaagi sa mga kadaugan sa Indian Wells ug Miami sayo ning tuiga.

Nakaabot si Sabalenka sa final sa US Open niaging bulan apan gipildi siya ni Elena Rybakina, hinungdan nga mahuman niya ang season nga walay Grand Slam nga kadaugan sa unang higayon sukad 2022.

Mipuli si Rybakina kang Sabalenka sa kinatumyang puwesto sa world rankings human sa US Open. -Ato ni Bai