SOCCER: Manchester City, nakompleto ang pagpirma kang Enzo Fernandez gikan Chelsea

Gikompleto sa Manchester City ang ilang dakong paggasto karong summer human mipirma ang Argentine midfielder nga si Enzo Fernandez gikan sa Chelsea niadtong Martes sa gikatahong British record-equaling nga £125 million ($169.08 million).

Usa ka oras human nag-post ang 25-anyos og farewell message alang sa Chelsea sa social media, gikumpirma sa City nga nakompleto na nila ang deal, nga nakabuak sa ilang kaugalingong transfer record sa ikaduhang higayon atol sa summer transfer window.

“Manchester City are the most successful club in England in recent times,” matod ni Fernandez, nga mipirma og five-year contract, ngadto sa website sa City.

“Every player wants to be part of a club like this because everyone knows how well-run City are.

“I could not be happier to be here, and I am ready for the challenge of helping City continue winning trophies. This is a club built for success.”

Gipahibalo ang deal mga 30 minutos human nagsira ang transfer window sa 2300 BST (2200 GMT).

Ang transfer fee ni Fernandez pareho sa British transfer record nga natala sa dihang gipirmahan sa Liverpool ang Swedish striker nga si Alexander Isak gikan sa Newcastle United sa miaging tuig, samtang ang paggasto sa City alang sa ilang post-Pep Guardiola close-season rebuild miabot na sa £450 million.

Gibuak na sa City sayo niining summer ang ilang kaugalingong rekord alang sa labing mahal nilang transfer human ilang gipirmahan ang England midfielder nga si Elliot Anderson niadtong Hulyo sa kantidad nga moabot sa £116 million.

Miapil si Fernandez sa Chelsea gikan sa Benfica niadtong Enero 2023 pinaagi sa 8-1/2-year contract sa kantidad nga £106.8 million, nga niadtong panahona maoy British record fee, ug nakadaog sa Conference League ug Club World Cup uban sa London side sa miaging tuig.

Nahimong unang player ang 25-anyos nga nabaligya sa kapin £100 million sa makaduha sa iyang career, samtang makatrabaho usab niya pag-usab ang City coach nga si Enzo Maresca, nga mibiya sa Chelsea niadtong Enero.

Nagpakita ang pagkuha kang Fernandez sa determinasyon sa City nga palig-onon ang ilang midfield human sila nahuman sa ikaduhang pwesto sa Premier League sa miaging season, pito ka puntos luyo sa champions nga Arsenal.

Gikan si Fernandez sa impresibong 2025-26 season diin nakaiskor siya og 15 ka goals ug nakahatag og pito ka assists sa tanang competitions alang sa Chelsea, nga nahimong ikaduhang pinakadaghang scorer sa club sunod kang Joao Pedro.

Nahimo usab nga importanteng player ang Argentina international atol sa 2026 World Cup, diin nakaiskor siya og importanteng goals sa last-16 ug semi-final samtang nahuman sila isip runners-up batok sa Spain.

“He is a complete midfielder: technically gifted, hardworking, tenacious and a goalscorer,” matod sa City’s Director of Football nga si Hugo Viana.

“To have played in two World Cup finals and won major trophies in multiple countries at just 25 says everything you need to know about his mentality, professionalism and technical quality.”

Nagsugod ang City sa season uban sa duha ka kadaugan sa Premier League, ug ang ilang dakong paggasto nagpakita sa determinasyon sa club nga mabawi ang titulo gikan sa Arsenal.

Kini ang ilang ikaduhang dakong pagpirma sa deadline day human sila mibayad og £65 million alang sa Everton forward nga si Iliman Ndiaye.

Gawas kang Anderson, gipirmahan usab sa City ang Morocco midfielder nga si Ayyoub Bouaddi sa £86 million, ingon man ang Brazilian winger nga si Allan Elias sa kantidad nga mga €40 million ($46.34 million).

Gibaligya usab sa City ang pipila ka players atol sa close season, lakip sila Savio, Rodri, Nico Gonzalez, Tijjani Reijnders, James Trafford ug Nathan Ake, nga nakabawi sa club og mga £280 million, samtang mibiya sila Bernardo Silva ug John Stones nga walay transfer fee.

-Ato ni Bai