SOCCER: Upat ka Kanhing Bayern Stars Miapil sa Grupo nga Mipalit sa Kadaghanang Bahin sa Estrela

Miapil ang upat ka kanhing magduduwa sa Bayern Munich, lakip ang German World Cup winners nga sila Thomas Mueller ug Mats Hummels, sa usa ka grupo sa mga mamumuhunan nga nakakompleto sa pagpalit sa kadaghanang bahin sa Portuguese club nga Estrela da Amadora, matod sa club.

“Estrela da Amadora hereby informs that the acquisition of a majority stake of 90% of the SAD’s share capital by an international consortium led by ADvantage and LEAD, with the support of the KI Group, has been completed,” matod sa club sa usa ka pahayag niadtong Martes.

“The new shareholder structure brings together investors with experience in sports, investment, and technology, as well as a group of strategic investors connected to international football, including Thomas Mueller, Mats Hummels, Yann Sommer, and Lucas Hernandez.”

Miingon ang Portuguese newspaper nga A Bola nga mibayad ang grupo og €40 million ($46.65 million) alang sa bahin sa club nga nagduwa sa labing taas nga liga sa Portugal.

Gitukod ang Estrela niadtong 2020, siyam ka tuig human nabungkag tungod sa problema sa pinansya ang gisundan niini nga halos pareho og ngalan.

Nahuman ang Estrela sa ika-15 nga puwesto sa Primeira Liga sa miaging season.

Samtang miretiro si Hummels sa miaging tuig, ang 36-anyos nga si Mueller nagduwa alang sa Vancouver Whitecaps sa Major League Soccer. Si Hernandez nagduwa alang sa Paris Saint-Germain, samtang ang Swiss goalkeeper nga si Sommer nagduwa alang sa Belgian club nga Club Brugge.

Kabahin sila Mueller ug Hummels sa German team nga nakadaog sa World Cup niadtong 2014, samtang si defender Hernandez mitabang sa France nga makadaog sa torneyo upat ka tuig ang milabay sa Russia. -Ato ni Bai