SOCCER: Giuliano Simeone Miluwas sa Atletico sa 2-2 nga Tabla Batok Villarreal

Giluwas ni Giuliano Simeone ang Atletico Madrid sa kataposang mga gutlo sa duwa aron makuha ang 2-2 nga tabla batok sa Villarreal, bisan 10 na lang ang ilang magdudula, atol sa init nga duwa nga puno sa kasuko ug tensiyon sa mga fans.

Daw padulong na sa kapildihan ang Atletico human gipagawas si Robin Le Normand sa ika-76 minutos tungod sa pagpatumba kang Georges Mikautadze, kinsa maoy mipuntos sa misunod nga penalty aron manguna ang Villarreal.

Apan nakahimo pa og kataposang counter-attack ang Atletico sa dihang gipasa ni Alex Baena ang bola ngadto kang Giuliano sa tuo nga bahin. Kalma nga gipalusot sa anak sa manager ang bola lapas kang goalkeeper Luiz Junior aron mapuntos ang tabla.

Taas na ang tensiyon sa duwa bisan sa wala pa ang ulahing drama, samtang gipakita sa mga supporter sa Atletico ang ilang kasuko kang Julian Alvarez. Gi-boo ang striker samtang nag-warm up, gisugat usab og mga singgit sa dihang gipahibalo ang iyang ngalan isip usa sa mga substitute, ug mas kusog nga pag-boo sa dihang misulod siya sa ika-66 minutos.

Usa ka grupo sa mga fans ang misinggit: “Let him leave once and for all, let him leave…” human gipadayag ni Alvarez atol sa World Cup nga nakigsulti siya sa club bahin sa posibleng pagbalhin aron “fulfil my dream”, samtang kusog siyang gilambigit sa Barcelona sa mga taho sa Spanish media.

Nagpadayon ang kasuko batok kaniya bisan human sa kataposang whistle. Diretso siyang miadto sa changing room samtang ang iyang mga kauban mipabilin aron motimbaya sa mga fans, nga gisundan sa laing kusog nga pag-boo.

Gikumpirma ni Atletico manager Diego Simeone nga gitambagan sa club si Alvarez nga mobiya dayon sa field human sa duwa.

“The club decided he should not go near the stands or the fans,” matod sa Argentine sa usa ka press conference.

“It was the club’s decision to keep him away and separate him, so he could go to the locker room.”

Sa dihang gipangutana unsay iyang ikatambag kang Alvarez taliwala sa pagsaway, mitubag si Simeone: “I’m not here to give advice.

“I have to focus on my job, which is to give my best for Atletico Madrid. If we want to win a title, we need to stick together, have forwards, and have key forwards. We all need to work accordingly on what we need.”

Human sa walay daghang aksiyon nga first half, nanguna ang Atletico sa ika-59 minutos pinaagi kang Marc Pubill, kinsa mipuntos gikan sa gawas sa penalty box ngadto sa ibabaw nga eskina sa goal.

Gipantay sa Villarreal ang duwa pito ka minutos ang milabay human nakahatag og penalty si Morten Hjulmand tungod sa foul kang Tajon Buchanan duol sa kilid sa penalty box, nga gipuntos ni Gerard Moreno ngadto sa wala ni Jan Oblak.

Miapil dayon ang VAR human sa pagpatumba ni Le Normand kang Mikautadze, nga miresulta sa laing penalty ug red card, sa wala pa gipuntos ni Giuliano ang tabla aron makalikay sa kapildihan ang Atletico sa usa ka duwa nga puno sa tensiyon. -Ato ni Bai