PHILTA Nangayo og WTA Exemption aron Makaduwa si Eala sa Asian Games

Nagsumite ang Philippines Tennis Association (PHILTA) og hangyo sa WTA alang kang Alexandra Eala aron makakuha og exemption gikan sa mandatory China Open ug makarepresentar sa Pilipinas sa Asian Games.

Si Eala, nga nahimong paborito sa mga fans human makapildi sa pipila sa labing dagkong ngalan sa tennis lakip sila Iga Swiatek ug Coco Gauff, mao ang highest-ranked player sa women’s singles draw sa Asian Games, nga magsugod sa Sabado ug matapos sa Oktubre 4.

Apan magsapaw ang schedule sa Aichi-Nagoya Games ug sa mandatory WTA 1000 tournament nga China Open, nga magsugod sa Beijing sa Setyembre 30.

Ang dili pag-apil sa mandatory WTA 1000 competition nga walay official exemption mahimong mosangpot sa ranking penalty ug posible usab nga multa.

“We have formally requested an exemption and we respect the WTA’s process. At the same time, Alex has made her decision to represent the Philippines at the Asian Games, and we fully support her,” matod ni PHILTA Secretary General John Rey Tiangco sa usa ka pahayag ngadto sa media niadtong Martes.

Nakigkontak ang Reuters sa WTA alang sa komento.

Sa sayo ning semanaha, mi-withdraw si Indonesian Janice Tjen gikan sa Asian Games human wala siya makakuha og exemption gikan sa pag-apil sa China Open.

Apan moduwa si Eala sa Asian Games bisan unsa pa ang desisyon sa WTA, matod ni Philippine Olympic Committee President Abraham Tolentino sa usa ka pahayag.

“The WTA has its rules and breaking the rules has penalties. But Alex will be in Nagoya, for flag and country,” dugang niya. -Ato ni Bai