NBA: Bronny James Naningkamot nga Makahimo og Kaugalingong Ngalan Human sa Pagbiya ni LeBron

Gipaabot ni Bronny James ang pagduwa batok sa iyang amahan nga si LeBron James sa Christmas Day, apan sa dili pa kana, magtutok una siya sa pagpalambo sa iyang duwa ug sa paghimo og kaugalingong ngalan gawas sa anino sa iyang bantugang amahan.

Niadtong Oktubre 22, 2024, nahimong unang mag-amahan ang duha nga nagdungan og duwa sa usa ka NBA game. Niadtong Hulyo, human sa duha ka season nga magkauban, mibiya si LeBron sa Los Angeles aron mopirma og duha ka tuig nga kontrata nga nagkantidad og $8 million sa Philadelphia 76ers.

“He’s got his own path, and I got my own,” matod ni Bronny James niadtong Lunes atol sa media day sa Lakers. “He knows that I want to make a name for myself, and I want to continue my career and keep growing as a player. And he knows that I want to focus on that. So, he decided to do that.

“You guys know me as Bronny. My real name is LeBron. I’ve been doing this for however long. It’s a motivating factor for me just getting up every day and trying to prove myself as Bronny instead of LeBron.”

Gikonsulta sa magulang nga James ang iyang pamilya sa wala pa siya nakahukom nga mobalhin gikan sa West Coast ngadto sa East Coast, apan dayag nga dili kini taas ug lawom nga panaghisgot.

“We’re men of very little words when it comes to talking about business and what we’re going to do and how we feel about each other,” matod ni Bronny, kinsa mag-22 anyos sa Oktubre 6. “So, it wasn’t really much (discussion), to be honest with you.”

Uban sa garantisadong $2.3 million nga kontrata karong season, matod ni Bronny nga ang iyang gitutokan karong ting-init mao ang iyang papel isip puli sa mga bantugang guard sa Lakers nga sila Luka Doncic ug Austin Reaves.

Alang sa ubang mga magdudula sa Lakers, nga adunay siyam ka bag-ong miyembro, ang ilang gitutokan mao ang kasamtangan ug ang paghimo og nagkahiusang grupo taliwala sa daghang bag-ong mga nawong.

“It was kind of sad (that he left); playing with LeBron was amazing,” matod ni Doncic sa wala pa magsugod ang unang season sa Lakers nga wala si LeBron sukad sa 2017-18. “There’s a lot of things I learned from him, and we all know who LeBron James is. We spent time together, and it was amazing.” -Ato ni Bai