MOTOR RACING: Marquez Midaog sa Japanese GP, Duha na Lang ka Puntos ang Labaw ni Martin

Midaog si Ducati rider Marc Marquez sa iyang ikaupat nga Japanese Grand Prix aron makompleto ang iyang duha ka kadaugan sa sprint ug main race sa Motegi Circuit niadtong Domingo ug mapagamay ngadto sa duha ka puntos ang labaw sa iyang karibal sa kampiyonato nga si Jorge Martin.

Human makasinati ang pipila ka riders og grabeng pagkaupaw sa ilang humok nga ligid sa likod atol sa sprint niadtong Sabado, mipili ang tanang riders og gahi nga ligid sa likod, hinungdan nga maampingon ang ilang pagpadagan sa unang pipila ka laps sa lumba.

Nakapabilin sa unahan si polesitter Martin sa pagsugod sa lumba ug komportable ang iyang pagpanguna sa unang walo ka laps samtang naghulat si Marquez sa hustong higayon sa pag-atake.

Miabot ang maong higayon sa ika-11 nga lap sa dihang nakabilin si Martin og gamay nga luna sa sulod, nga gipahimuslan ni Marquez aron makapanguna.

Gikontrolar dayon sa reigning champion ang lumba hangtod sa finish line, nga mitapos una atubangan ni Aprilia rider Martin ug Marco Bezzecchi.

“The race was tough, especially when I was behind Jorge, but I knew that if I was able to lead the race, my pace was good,” matod ni Marquez.

“Jorge tried to attack, but then I just increased a bit more the pace and it was enough to do the last two laps more relaxed.”

Adunay 333 puntos si Martin, duha ka puntos nga labaw kang Marquez nga adunay 331, samtang unom na lang ka hugna ang nahibilin sa season.

“I wanted to win but I think today it was really difficult to beat Marc,” matod ni Martin. “I rode almost perfectly. I was really smooth, really confident and even then I couldn’t win.”

Napabilin usab ang gamayng paglaom sa teammate ni Martin nga si Bezzecchi nga makuha ang titulo human niya mapugngan ang ulahing pag-atake ni Tech3 rider Enea Bastianini aron mahuman sa ikatulong puwesto.

Naaksidente ug wala makahuman sa lumba si LCR Honda rider Diogo Moreira, nga nakakuha sa iyang labing unang podium niadtong Sabado. Naaksidente usab si Gresini rider Alex Marquez human niya matuman ang double long lap penalty tungod sa iyang bahin sa pagbangga sa tulo ka riders atol sa sprint.

Mitapos sa ikaunom nga puwesto ang Japanese rider nga si Ai Ogura sa Trackhouse human sa hugot nga panag-ilog sa puwesto batok sa iyang teammate nga si Raul Fernandez ug kang KTM rider Pedro Acosta. -Ato ni Bai